اخبار السياراتسيارات جديدة

مميزات وسعر هوندا اكورد 2020.. وبدء الحجز من اليوم والتسليم في يناير

نعرض عليكم الان مميزات وسعر هوندا اكورد 2020 بعد طرحها رسيما في مصر من الوكيل الرسمي الفطيم وكيل سيارات فورد في مصر اعلن عن بدء الحجز بهوندا اكورد موديل 2020 وسيتم بدء الحجز بقيمة 200 الف جنيه والتسليم خلال يناير 2020

كماليات هوندا اكورد 2020 في مصر

مميزات وسعر هوندا اكورد 2020
مميزات وسعر هوندا اكورد 2020

العربية جايه بفئة واحدة فيها جميع الكماليات المتوقع وجودها في هذه الفئة من زجاج كهربائي بالكامل و تكييف ثنائي المناطق بتحكم إليكتروني، و كراسي و عجلة قيادة جلد بالكامل، و كراسي أمامية مهواة و مدفأة و بتحكم كهربائي مع وضعيتي ذاكرة لكرسي السائق، و دخول بدون مفتاح بصمة في الأبواب الأمامية مع نظام قفل ذكي في حالة ابتعادك عن السيارة و معاك المفتاح، عدادات ديجيتال.

فتحة سقف “مش بانوراما”، تشغيل المحرك عن بعد، مثبت سرعة، مراية صالون تعتيم، نظام صوتي ممتاز ١٨٠ واط بس ٤ سماعات فقط و نظام معلوماتي Infotainment system شاشة ٨ بوصة تعمل باللمس و بها أزرار تحكم و فيها أندرويد أوتو و أبل كار بلاي و بلوتوث.

مواصفات محرك هوندا اكورد 2020

بالنسبة للمحرك طبقا لهوندا هو ١٥٠٠ سي سي تربو ٤ سيلندر ١٩٢ حصان على ٥٥٠٠ د/د و عزم دوران ٢٦٠ نيوتن/متر من ١٦٠٠ إلى ٥٠٠٠ د/د و مرتبط بعلبة تروس CVT.

مميزات وسعر هوندا اكورد 2020

أرقام الأداء المعلنة متفاوتة على بعض المواقع، بس من صفر – ١٠٠ كم/س في حدود ٧،٥ ث و سرعة قصوى معلنة ٢٠٥ كم/س بس معروف ان سيارات هوندا بتبقى دائما أسرع من السرعة الرسمية المعلنة.

معدل استهلاك الوقود ١٨،٤ كم لكل لتر طبقا لبروشور الشركة و ٧،٨ لتر لكل ١٠٠ كم طبقا للمواقع الأخرى أي ما يعادل ١٢،٨ كم للتر الواحد.

مواصفات الأمان بهوندا اكورد 2020

مواصفات الأمان بنوعيها سواء سلبية أو إيجابية متوفرة في السيارة.

٨ وسائد هوائية :: ٢ في الأمام و ٢ جانبيتين و ٢ ستارة هوائية و ٢ لحماية ركب السائق و الراكب الأمامي.

مميزات وسعر هوندا اكورد 2020 في مصر

مميزات وسعر هوندا اكورد 2020
  • نظام تعليق مستقل بالكامل، نظام المساعدة في السيارة VSA
  • نظام منع انغلاق المكابح ABS
  • نظام مساعدة الفرامل عند الطوارئ EBA
  • نظام دعم إليكتروني لقوة المكابح EBB
  • نظام مساعدة للإنطلاق على المنحدرات HSA
  • كاميرا خلفية عالية النقاء بزاوية عريضة
  • أضواء أمامية و خلفية و شبورة ليد LED بالكامل
  • نظام مراقبة الممر LaneWatch الخاص بهوندا و هو يعمل عن طريق وجود كاميرا بالمراية اليمين تشتغل لما تشغل الإشارة اليمين و تكشف الجانب الأيمن من الطريق و هتلاقوها موضحة بإحدى الصور.

منافسين هوندا اكورد 2020 الجديدة في مصر

مميزات وسعر هوندا اكورد 2020

العربية فيها مميزات كتير، شكلها طليعي و جميل، كمالياتها جيدة جدا، موتورها جميل، واسعة من جوه رغم ميل خط السقف، و خليت أحد اصدقائي طوله ١٩٠ سم ما شاء الله يقعد ورا و كان مرتاح، توكيلها ممتاز و أسعار صياناتها و قطع غيارها معقولة جدا و العديد من المميزات الأخرى..

بس صدقني مش كل ده اللي هيخليك تروح تحط فيها ٧٢٥ ألف جنيه.

لازم تبقى بتحب و بتحترم البراند عشان تروح تدفع فيها المبلغ ده، لأن لو اتكلمنا عقل و منطق مش هنلاقي أي سبب تاني يخليك تعمل كده.
لأن بالمقارنات المنطقية المجردة هنلاقي كل عربية منهم فيها مميزات كتير قوي من الموجودة في الأكورد و في منهم عربيات تفوقها. و حتى لو مش هنقارن بنفس الفئة الحجمية و هنتكلم في الفلوس بس فأنت بنفس الفلوس ممكن تشتري ألفاروميو جوليا و تاخد متعة قيادة لا تضاهى، أو تشتري مرسيدس A200 أو CLA180 و تاخد ماركة بريميوم و إعادة بيع و جودة مفيش عليها نقاش.

ولو خدنا السكودا السوبرب سبورت لاين على سبيل المثال لا الحصر من نفس فئة الحجم هنلاقي فيها كماليات زيها و ممكن أكتر، زي ميموري كرسي الراكب و الفرش الألكانتارا و السقف البانوراما و الجهاز المعلوماتي الأفضل بمراحل و الشنطة الأكبر لأنها ٦٢٥ لتر مقارنة بشنطة الأكورد ال٤٧٣ لتر.

مميزات وسعر هوندا اكورد 2020
مميزات وسعر هوندا اكورد 2020

فيها موتور و منظومة نقل حركة تفوق الموجودة في السيفيك لأن الDSG يفوق الCVT و بيخليه يعوض فرق القوة الحصانية على أرض الواقع. فيها خلوص ارضي أعلى باكتر من ١ سم و قاعدة عجلات أطول ٢٨٤١ مم مقارنة ب٢٧٧٦ مم و مساحات داخلية أوسع.. و كمان قطع غيارها الميكانيكية متوفرة في كل حتة لأنها مشتركة مع باقي مجموعة فولكس واجن.

مميزات وسعر هوندا اكورد 2020

الخلاصة:

العربية بسعرها الحالي هيشتريها زبونها اللي هيقدرها و كان مستنيها، هي عموما باب الحجز مفتوح ب٢٠٠ ألف جنيه و بتستلم في نص يناير، بس ده هيبقى في زهوة إطلاق العربية و هينتهي مع انتهاء ال hype بتاعتها..

بس لو عايزين مبيعاتها تستمر يبقى لاز الفطيم يبذل جهد أكتر من كده للحصول على دعم أكبر من الشركة الأم لتخفيض سعر سياراته من بلد المنشأ، لأن العربية دي هي و الCRV مش هتبيع كما يجب إلا لو نزلوا لفلك ال٦٢٠ – ٦٥٠ ألف جنيه.

كل الشكر للمهندس مصطفى ادمن بيدج أ ب عربيات علي التقرير

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق