اخبار مصريةتقارير

Fixing Team .. طلاب هندسه السيارات ينفذون افكاراً رائعه لرفاهية السيارات.. تعرف عليهم عن قرب

Fixing Team.. المصلحاتية

كما نعلم جميعاً ان هناك قسم فى بعض جامعات مصر يسمى بهندسه السيارات Automotive Engineering،دراسة هندسة السيارات فى مصر على مستوى المرحلة الجامعية تستعرض بالتفصيل دراسات تصميم السيارات والدراجات البخارية والمركبات البخارية المختلفة بما فى ذلك مراحل التصميم والتصنيع، وأيضاً أداء المركبة وعملها، وإختبار مدى تحملها.

 

الدراسة تغطى أساسيات هندسة السيارات مثل التصميم، ودراسات ميكانيكا المركبات، ودراسات تطوير مستوى القيادة، كما يقوم الطلاب بعمل مشروع تخرج عملى فى السنتان الأخيرتان من الدراسة، حيث يبدأ الطلاب فى تصميم وعمل مركبة ميكانيكية من السنة الثالثة من الدراسة ويوقومون بتنفيذها فى السنة الرابعة من الدراسة.

 

عندما تجد طلاب خريجين يتحدون انفسهم ويعزمون على تطوير اداء السيارات فى مصر حتى ولو بفارق بسيط او باضافة اشياء صغيره الى السياره لتعطيك بعضاً من الرفاهيه التى لا تكون موجودة فى سيارات بالاضافه الى انهم قادرون على تنفيذ هذا الامر بأقل التكاليف يجب ان نقف بجانبهم ونساندهم ونكونلهم كل تقدير واحترام.

 

محرر موقع جيكس كارز التقى بهؤلاء الطلاب وبدئنا حوارنا الحوار مع المهندس كمال سعيد مؤسس Fixing Team وطرح علينا كل ما يقدمونه وكيف بدأت الفكرة.

 

السلام عليكم ورحمة الله وبركاته.. انا جاتلى فكرة بما انى عندى ورشة بتاعة والدى وشغال معاه فيها، الفكرة ان ليه منضيفش للعربيات القديمة دى او حتى الموديلات الجديدة اللى مفيهاش امكانيات كتيرة نضيفلها امكانيكات جديدة وبتزيد من رفاهية السيارات وفى نفس الوقت تكلفتها مش عالية، عرضت على زملائى فى الكلية (احنا ٥) الفكرة ف عجبتهم وحبو يشتغلوا معايا ف عملنا فريق وسمينا نفسنا Fixing Team و انشأنا صفحة على الفيس بوك واليوتيوب نعرض فيها فيديوهاتنا عن تعديلاتنا.

 

بدأنا بتعديل بدوسة واحدة بس على زرار تقدر تدور العربية ومش هنستخدم المفتاح غير عشان نوصل الفص بالايموبليزر بس، وبعدين تعديل الازاز يرفع تلقائى مع تشغيل التكييف.

 

وبعد كدا ان الازاز يرفع بعد تشغيل التكييف بمدة معينة حوالى ٥ او ١٠ ثوانى او ٣٠ ثانية والوقت احنا اللي بنحدده ، وبعدين النور بيشتغل تلقائى لما الدنيا تضلم، يعنى اول ما تدخل فى حتة ضلمة النور يشتغل معاك تلقائى واول ما ترجع للنور يفصل تانى تلقائى، وعملنا حساس المياه وهو ان المساحات تشتغل مع نزول الامطار، واخر حاجة اشتغلنا فيها لحد دلوقتى هى تشغيل السيارة برقم سري وبفضل الله التعديلات دى فيديوهاتها جابت نسبة مشاهدة كبيرة جدا وناس كتير جدا اعجبت بيها، وان شاء الله مش ناويين نقف عند كدا وكل يوم بتجيلنا افكار جديدة وبنحاول فى تطبيقات جديدة، عشان بس سيارتنا كلنا تتزود برفاهية اكتر ومتحسش بفرق كبير بين العربيات الحديثة اوى والسيارات المتوسطة.

 

 

اما لو اتكلمنا عن التكلفه احنا شباب مصرى وعارفين الوضع فى مصر كويس وهدفنا فعلا اننا نقدم تعديل يعطيك رفاهيه وباقل الاسعار ودة فعلا نفذناه فى عربيات كتير،يعنى الاسعار اغلى حاجة فيها 500 جنيه ودة في الاوقات اللي فيها العروض ولكن بتختلف الاسعار في الاوقات اللي مفهاش عروض ، مناسب ومش غالى وفى كمان ضمان ٣ شهور، وفى عروض كشف اعطال للعملاء وعندنا عروض كتيرة ان شاء الله تكون كويسة وبإذن الله التعديلات دى متاحة لجميع السيارات وبتنفع كلها بنسبة كبيرة جدا فى جميع السيارات بس بعض التعديلات بتحتاج اننا نبص على السيارة الاول للتأكد.

 


المهندس زين العابدين احمد العقل المدبرة لكل الافكار الجديدة واللى فعلا غيرت من عربيات كتير جدا

السلام عليكم ورحمة الله وبركاتة.. عندي أفكار كتير وكل ساعه بفكرة شكل بحب الاختراعات والتعديل وشفت ان فى واحد صاحبي اسمه كمال له نفس الميول وبيحب يطبق عملى فقررت اشاركة فى فكرته ونكون فريق عمل قوى وهدفنا فعلا اننا يكون لينا بصمتنا فى مجال السيارات ونفيد كل مالكى السيارات فى مصر .

 


المهندس  عبدالرحمن على والمهندس عبدالرحمن محمد المسئولين عن شبكات التواصل الاجتماعى فى فريق Fixing Team

السلام عليكم ورحمة الله وبركاته.. كمال عرض علينا الفكرة وعجبتنا ف قررنا ندخل معاه ونساعد بأى حاجة.. ف بقينا احنا الاتنين المسئولين عن صفحتين الفيس بوك واليوتيوب والمسئولين عن تصوير الفيديوهات وتعديلها لأنها فكرة مميزة جدا وجديدة ولم يسبق ان حد عملها، وفى نفس الوقت مش غالية.. عبدالرحمن على .. عبدالرحمن محمد


المهندس احمد سلامة مسئول خدمة العملاء فى فريق Fixing Team

السلام عليكم ورحمة الله وبركاته.. لما كمال زميلنا فى الكلية عرض علينا الفكرة ما اترددتش ابدا ودخلت معاه ومسألتش حتى انا هيبقى دورى ايه وقولت انشالله حتى اشتغل خدمة عملاء، وفعلا بقيت انا المسئول عن الرد على الاتصالات والحجز والمواعيد، وكل دا لأنها فكرة كويسة جدا ومناسبة لجميع السيارات ومتاحة للجميع وتكلفتها مش غالية.


Fixing Team - جيكس كارز
Fixing Team – جيكس كارز

ما تقييمك لفريق Fixing Team

شكرا لتقييمك

تقييم المستخدمون: 4.65 ( 1 أصوات)
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق