مشاكل وفنيات السياراتمعلومات تهمك

7 اعراض تدل على تلف البوجيهات فى سيارات ..متى يتم تغيرها والفرق بين العادي والبلاتينيوم

بوجيهات السيارات

السؤال المعتاد هي البوجيهات بتتغير على كام كيلو ؟ طيب انا مغيرتش البوجيهات عادي ولا ايه هو ايه الفرق بين العادي والبلاتينيوم ؟؟؟؟ وده هيكون عنوان موضوع اليوم  بطريقه مبسطه ولطيفه

7 أعراض تدل على تلف البواجي أو شمعات الاشعال في السيارة ، وهي كالتالي :

 

اولا: تأخر تشغيل المحرك : الصبح وانت نازل تدور تتأخر العربيه معاك في الدواره ومتدورش من المرة الاولى

ثانيا : صرف زائد للوقود : عدد البوجيهات المستخدمه داخل كل سياره 4 بواجي طيب ايه الي يحصل لما احد البوجيهات تتلف بيكون وقتها الاحتراق للوقود غير كامل فا بتستهلك بنزين اكتر بس على الفاضي لان كل البنزين المستهلك هو غير كامل الاحتراق

ثالثا : ضعف سحب السياره : زي ما قلنا في النقطة السابقة الاحتراق مش بيكون كامل عند تلف أحد البواجي والقدرة في المحرك مش بتكون كاملة وبكده هيضعف سحب السياره

رابعا : مهمه البواجي هي توليد الشراره وعند التلف بنفتقد للشراره دي وده الي بيسبب رجه في سياره وتقطيع ليها

خامسا : ارتفاع حرارة المحرك

سادسا : حدوث الاشعال العكسي في المحرك ( وده بيعمل فرقعه في شكمان السياره كانك مركب ديفل ولا حاجه )

سابعا : في حاله التلف الكامل وارد ان السياره تبطل منك وانت ماشي لوحدها

طيب عرفنا الاضرار نعرف بقى بتتغير كل قد ايه ؟

بتختلف المده باختلاف انواع البوجيهات فمثلا السيارات الكوري ( كيا – هيونداي ….)
بيتغير البوجيه كل 20 الف كيلو وده اقصى عدد مرات يمكن للبوجيه توليد شراره فيها
على عكس السيارات الياباني مثل ( المتسوبيشي مثلا بيتغير البوجيه كل 80 الف كيلو وده عدد المرات الي يقدر البوجيه يولد فيها شراره للاشعال

طيب ليه الفرق !

الفرق بيكون في شكل وخامه البوجيه واطراف البوجيه الي بيقوم بضبط معدل الاحتراق بين الهواء والبنزين البوجيهات الي بتقعد 80 الف كيلو مصنوعه من ماده البلاتين وهي ماده بتقاوم درجات الحراره والضغط 4 مرات ضعف البوجيهات العاديه
هنستعرض صورة فيها انواع اضرار البوجيه وسبب الخلل الي ناتج عنو بالترتيب :

 

اعطال بوجيهات السيارات - جيكس كارز
اعطال بوجيهات السيارات – جيكس كارز

الرقم : 1 – من خلال الصورة يتضح أن البواجي في حالة جيدة

– الرقم : 2 – هنا يتضح ان المحرك ممتلئ بالزيت

– الرقم : 3 – البوجي يحتاج الى ضبط gap

– الرقم : 4 – من خلال الصورة يتضح ان البواجي لم تتغير لمدة طويلة جداً ويجب تغييرها

– الرقم : 5 – البوجي عليه رصاص نتيجة نسبة الرصاص العالية في الوقود تاكد من محطات الوقود

– الرقم : 6 – البوجي عليه الكربون نتيجة ضعف الاحتراق في المحرك ، هنا يجب فحص نظام الوقود

– الرقم : 7 – تلف البوجي نتيجة زيادة حرارة المحرك عن الوضع الطبيعي ، هنا يكون الخلل في نظام التبريد في الغالب

– الرقم : 8 – هنا يكون المشكل في نوعية الوقود المستعملة في السيارة ويجب استخدام نوعية دات جودة أفضل

– الرقم : 9 – هنا يدل على وجود مشكله ميكانيكيه داخل غرفة الاحتراق ، وفي الغالب وجود جسم غريب داخل غرفة الاحتراق اصطدم مع البوجي

 

الخبر التالى : 

اهم 5 اخطاء تؤدى الى تدمير فرامل سيارات.. تجنب فعل ذلك

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق