تقارير

مقارنه جديدة بين 6 سيارات من اعلى السيارات شهره فى سوق المستعمل

مواصفات ومميزات وعيوب

 

مواصفات مميزات وعيوب السيارت – ماذا تفعل عند شراء سيارة ؟ او عندما تقبل على شراء سيارة فانك بالتأكيد تبحث عن الخيارات الموجودة فى السوق حسب القدرة الماليه التى تناسبك!

 

فى هذا التقرير نعرض عليكم مقارنات بين 6 سيارات من افضل السيارات الموجودين فى السوق المصرى

المقــارنه بين السيــارات لخبير السيارات “مرتضى الشاذلى”

– متسوبيشي لانسر LR7 ( سوبر اكشن – البومه)

– نيسان صني N16 ( سوبر صالون الشكل القديم)

– تويوتا كورولا (2/E140)

– سكودا اوكتافيا A4 ) MK1)

– هيونداي الالنترا HD

– شفروليه اوبترا j200

 

 

 

قبل الاقبال على الشراء فاننا نظل نقارن كثيراً ونسال خبراء فى مجال السيارات عن كل ما يخص السياراة الموجودة امامنا ، ونسال ملاك كثُر عن تجاربهم مع السيارة ومدى الاعتماية واغلب الاعطال التى تواجهه الملاك والمزايا والعيوب الخاصه بالسيارة.

النهارده مقارنه بين 6 عربيات مستعمله وبيكونوا  خيارات لناس كتيره اوي وحبيت اسلط عليهم الضوء معاهم ومين احسنهم قيمه مقابل سعر

 

مواصفات ومميزات وعيوب نيسان صني N16 ( سوبر صالون الشكل القديم)

 

المواصفات الفنية للسيارة نيسان صني N16

المحرك:

QG1.6DE DOHC 16-valve, 4-cylinder, in-line
بسعة 1597 سي سي
بقوة حصانية 118/6,000 حصان
القوه الصافيه( بعد احتساب معامل الاحتكاك) 110 حصان
و بعزم اقصى 16.5/4,000
اقصى سرعة : 180 كم/س
تسارع من 0 – 100 كم / س : 11.7 ث
استهلاك الوقود : من 8.3 لتر لكل 100 كم و حتى 15.2 لتر / 100 كم بمتوسط 9.6 لتر لكل 100 كم

 

الابعاد:

وزن السيارة/ 1140 كجم
الطول: 4495 مم
العرض: 1695 مم
الارتفاع: 1445 مم
قاعدة العجلات 2535 مم
سعه الشنطه : ٤٥٠ لتر

مميزات وعيوب نيسان صني N16 ( سوبر صالون الشكل القديم)

 

المميزات :

1- ثبات عالي جدا
2- قلة الاعطال و الصيانة
3- توافر قطع الغيار و تنوعها
4- اداء واستجابه المحرك ممتازه
5- تكييف عالي الاداء
6- انخفاض سعرها
7-ثبات في المنعطفات وعلي سرعات العاليه ممتازه
8-صاج تقيل ومحمل

العيوب:

1- استهلاك وقود مرتفع
2- بعض عيوب التقفيل المحلي (فوارق في الطابلوة او عدم ثبات موكيت الارضية )
3- ضيق الكنبة الخلفية نسبيا بالنسبة لفئتها
4- ضعف العزل داخل المقصورة بعض الشيء مقارنة بمثيلاتها
5- عدم قابليه للتعديل خارجيا ومكانيكيا
6- نظام التعليق قاسي خصوصا مع الجنوط السبور الخاصه بالسوبر صالون
7- ضعف الخامات الداخليه
٨- لايوجد فتحه سقف زي موديلات الي بره

 

انطباعي الشخصي عن

نيسان صني N16 ( سوبر صالون الشكل القديم)

 

نيسان سوبر صالون سياره وقوره بمحرك مجنون

اول ما تركب هتحس بالفخامة مع لمسات زينه الابنوس وشكل الجنوط 16

الطاره الرباعيه الجلد الطبيعي وكمان مقبض الفتيس الاوتو

كل ده مديلك احساس بالفخامة تكييفات نيسان لايعلو عليها

الابواب تقبله والصاج محمل

طبعا في فارق (( التاتش المصري)) بين درج الطابلوه والطبلوه ممكن يعمل صوت تزيق

بين الكنسوله الارضي والطابلوه برضه بس ده كله ممكن نتغضي عنه الصالون ضيق

مقارنه بين  الـ لانسر والكورولا حتي اوبترا

الاداء علي طرق ممتازه جدا وفي ملفات ممتعه مع تحكم دقيق من عجله القياده الجنوط الاسبور بتديلك ثبات حلو اوي بس العفشه لو في طرقنا الجميله هتحس كل شويه بالنقر والطوب مع سنفونيه التزييق الي قلت عليها في الاول
الكراسي حشوتها مش قد كده وبتعالج عن اي معرض فرش عربيات
اجمالا وده انطباعي الشخصي
جوده الصناعه ٨/١٠
جوده الصالون الداخلي ٧/١٠
الثبات في المنعطفات ١٠/١٠
تحمل الموتور ونظام التعليق٩/١٠
استجابه الموتور ١٠/١٠
تقيم العربيه ٨/١٠

مواصفات ومميزات وعيوب نيسان صني N16
مواصفات ومميزات وعيوب نيسان صني N16


 

مواصفات ومميزات وعيوب متسوبيشي لانسر LR7 ( سوبر اكشن – البومه)

المحرك 4g18 IN-LINE 4 Cylinders SOHC
قوه حصانيه 4500/ 115حصان
قوه الفعليه حساب معامل الاحتكاك 105حصان

و بعزم اقصى 15.4/3800
اوتوماتيك 4 سرعات

ابعاد السيارة

طول 4,495
العرض 1,695
ارتفاع 1,375
وزن العربيه 1,399 kg
سعه الشنطه 460

مميزات وعيوب متسوبيشي لانسر LR7 ( سوبر اكشن – البومه)

 

المميزات :

1-  سعر اعادة البيع جيد جدا نظرا لانتشار السيارة و ثقة الشعب المصرى بعلامة ميتسوبيشى.

2-  قطع غيار متوفرة جدا و بسعر مناسب جدا.

3-  الخامات الداخلية للسيارة و التابلوه جيدة جدا
4-  جوده التقليل بمقارنه بالنيسان
5- السياره من حيث الاداء و الكماليات بالنسبة للاستخدام العادى اليومى.
6- سهله التعديل خارجيا ومكانيكيا ومتوافر الاكسسوارات في كل حته في الحرفيين           والمحركات من 1600 ل2400
7- عفشه ناعمه مقارنه بالنيسان
8- وجود فتحه السقف
9- الصالون واسع جدا

 

 

عيوب السيارة ميتسوبيشى لانسر 2007

1- قوه تحمل الموتور( جيد جدا) بس اقل من موتور النسيان واعطاله اكتر نسبيا

2- استجابه الموتور اقل بكتير في السرعات البطيئه بالمقارنة بموتور النسيان

3- عزل متوسط

4- ثبات جيد جدا بس اقل من. النسيان صني

5- التكيف جيد بس عايز توجيه منك الريشه

6- الجنوط السبور مش عريضه ومقاسها 15

 

انطباعي الشخصى

– الصالون واسع وتقفيل محترم اوي والعزل جيد مقابل تقفيل الصني والاحساس بالحس الرياضي عن طريق الكروم والنيكل و الطاره الثلاثيه .

– العفشه ناعمه جدا مع انها النسخه الرياضيه بس هي انعم من عفشه السوبر الصالون ثباتها حلو بس مش ممتاز زي النيسان.

– في الملفات جيده بس النيسان أكثر ثبات التوجيه جيد جدا .

– الموتور استجابته مش زي استجابه موتور النيسان .

– بس سهل جدا تقدر تعدلها وقدامك خيارات كتير من المحركات زي

1.6 L 4G18 I4 (gasoline)
1.8 L 4G93 I4 (gasoline)
1.8 L 4G93T I4-T (gasoline)
2.0 L 4G94 I4 (gasoline)
2.0 L 4G63 I4 (gasoline)
2.4 L 4G69 I4 (gasoline

اجمالا وده انطباعي الشخصي
جوده الصناعه ١٠/١٠
جوده الصالون الداخلي ٩/١٠
الثبات في المنعطفات ٩/١٠
تحمل الموتور ونظام التعليق ٩/١٠
استجابه الموتور ٨/١٠
تقيم العربيه ٩/١٠

 

مواصفات ومميزات وعيوب متسوبيشي لانسر LR7

 


مواصفات مميزات وعيوب تويوتا كورولا 2007 (2/E140)

 

المحرك : 3zz-FE ( i4 1600 DOHC Vvti 16 Valve)
القوه الحصانيه : 110/6000RPM
الناقل ( اوتوماتيك من 4 Speed) ( مانيوال 5 Speed)

ابعاد السيارة :

الطول ( 4,529 mm)
العرض (1,705 mm)
الارتفاع (1466 mm)
الوزن (1230 Kg)

مميزات وعيوب متسوبيشي لانسر LR7 ( سوبر اكشن – البومه)

 

المميزات :

1- موتور 3zz-Fe معمر جدا جدا جدا اخر المواتير تويوتا المعمره

2- نظم التعليق ناعمه جدا جدا بالمقارنة بالمنافسات

3- سعر اعاده البيع فوق ممتاز ( بتسمع اسعار غريبه فيها)

4- العربيه منتشره في كل الوطن العربي وقطع الغيار في كل حته

5- تكيف التويوتا فوق الممتاز

6- وسع الصااااالون حراااااااافي

7-العزل فوق ممتاز

8-سهوله التعديل عليها خارجيا ومكانيكيا

 

العيوب :

1- اخر سرعة ليها 160 كم فى الاتوماتيك ولو جبت اخرالدواسة بتنزل للترس التالت وتلاقى صوت الموتور علَى جدا و عملك فضيحة على الطريق.

2- ثباتها بيخف جدا ب120 km

3- الصاج خفيف جدا وضعف انظمه الامان فيها

4- الاوتوماتيك بتاعها مش بيجمع بسرعة علشان توصل لسرعة 150.

5- كل العربيات الكورولا فى مصر XLI يعنى مفيهاش عداد RPM .

6- وضع الكاسيت فى التابلوه صعب

7- فيها مشكلة كبيرة من وجهة نظرى- المفتاح لا يخرج من الكونتاكت الا على وضع P .

 

 

انطباع شخصى

جوده الصناعه ٩/١٠
نظام التعليق ١٠/١٠ ( الراحه) ٦/١٠ (ثبات)
الوسع الداخلي ( ١٠ /١٠)
انتشار قطع الغيار ( ١٠/١٠)
تقيم السياره ( ٩/١٠)

 

مواصفات مميزات وعيوب تويوتا كورولا 2007
مواصفات مميزات وعيوب تويوتا كورولا 2007

 

 


 

مواصفات مميزات وعيوب سكودا اوكتافيا A4 ) MK1)

 

المحرك : i4 1600 DOHC SR

القوه الحصانيه : 101Hp/5400hp

ناقل الحركه اوتوماتيك ( 4Speed) / مانيوال (5Speed)

ابعاد السيارة :

الطول (4,511 mm )
العرض( 1,731 mm )
الارتفاع( 1,429 mm)
الوزن( 1450 Kg)

 

مميزات وعيوب سكودا اوكتافيا A4 ) MK1)

المميزات :

1-عفشة خدمة شاقة(قوية جدا).

2- سنتر مركزي,زجاج كهرباء ( أمامي و خلفي ), مرايات كهرباء مزودة بسخانات.

3- وحدات رفع للأربع أبواب ( الموديل المزود بفتحة السقف بها وحدة رفع أيضا)

4- فوانيس ضباب مدمجة مع فوانيس السيارة الأمامية ( عدسات ) و الخلفية.

5- كمبيوتر يعرض متوسط السرعة وإستهلاك البنزين لكل 100 كم ( حوالي 4.9 لتر) وبيان الرحلات.

6- تكييف ( مستفز جدا ).بمعني أن درجة برودته قوية جدا بشكل رهيب.

7- طي الكنبة الخلفية لتوفير مساحة زيادة ( مش هتحتاجها لأن الشنطة ممكن أفرش وأنام فيها

8- قطع غيار مشتركه مع اخواتها الجولف MK4 ,والبورا و توليدو و اودي A3

9- سهله التعديل خارجيا ومكانيكيا

العيوب:

1- مش اي حد يعرف يصلح ويشتغل فيها الا متخصص فولكس

2- شغل العفشه معقد حبتين عكس الياباني

3- لازم قطع الغيار تكون الاصليه

4- تجميع الموتور بطئ بمقارنه بالمنافسين

5- اي لعب في الكهرباء بيبرجل العربيه

6- العفشه قاسيه حبتين مياله للرياضيه

 

جوده الصناعه ١٠/١٠
نظام التعليق ٨/١٠ ( الراحه) ٩/١٠(ثبات)
الوسع الداخلي ( ١٠ /١٠)
انتشار قطع الغيار ( ١٠/١٠)
تقيم السياره (٩/١٠)


 

مواصفات مميزات وعيوب هيونداي النترا Hd

محرك 1.6 Gema DOHC I4/ 115HP
العرض 2.650
الطول 4.505
الارتفاع 1.480

المميزات :

1- الموتور المحفوظ من كل المكانيكيه ومعقول في جودته
2- الاوبشنز الكتير جدا
3- التكيف التلاجه والسهل في صيانته
4- الكهرباء السهله
5- سهوله تركيب اي قطعه مقلده
6- العفشه السهله
7- سهوله البيع

العيوب:

1- عدم الثبات
2- الصاج الخفيف
3- علبه الدركسيون الضعيفه
4- سهوله السرقه
5- قوه موتور المفرطه علي الجسم الخفيف
6- عدم جوده الفرش الداخلي

 

انطباع شخصى

جوده الصناعه ٦/١٠
نظام التعليق ٧/١٠
الثبات ٤/١٠
انتشار قطع الغيار ١٠/١٠
تقيم السياره ٥/١٠

انطباعي عنهافي الفتره دي مجموعه هيونداي كانوا بيحاولوا ابهار العالم العربيه شكلها حلو لاشك بمقارنه بالباقي المنافسات اوبشنز هايل تكيف تاتش في هاي لاي جميل جدا وكاست والمنظومة الصوتيه جميله.

بس ده علي حساب الامان العربيه ادق تعبير ليها رقاصه تخوفك وانت بتجري بيها مع دركسيون الكهربا الي مش مديلك اي احساس بالطريق مع الفرامل الضعيفه فانت بعد ١٤٠ في عداد الموتى بصراحه ودي عكس XD الي قبلها الي كانت من قوه ثباتها بيسموها BMW الكوري

 

مواصفات مميزات وعيوب هيونداي النترا Hd

 

 


 

مواصفات مميزات وعيوب شيفروليه اوبترا

المحرك : موتور E-tec 1.6 DOHC it 115hp

ابعاد السيارة :

الطول ٤.٥٠١
العرض ٢.٦٠١
الارتفاع ١.٧٢٥

 

المميزات :

١- قوه تحمل الموتور
٢- ثبات السياره
٣- انتشار قطع الغيار وقابليتها لاستبدال اي قطعه مقلده
٤- سهوله البيع
٥- سهوله صيانه
٦- توافر قطع التعديل الاستيراد

العيوب:

١- حساس البوابه
٢- عيوب العفشه
٣- ردائه جوده الفرش الداخلي

انطباع شخصى عن السيارة 

حنرال موتورز بمساعده دايو ومع خبرتها الي عدت ١١٠ سنه قدرت تعمل عربيه كويسه بفتيس الايسن الياباني السلس وثبات معقول مقارنه بالالنترا الضائعه واحسن من الكورولا وأقل من البومه والاوكتافيا والصيني بس يغيبها شكلها الكئب نوع ما والصندوقي والطابلوه الأقل من العادي في شكله عكس المبهر في الالنترا مثلا والمعقول في لانسر والاوكتافيا

جوده الصناعه ٧/١٠
ثبات ٩/١٠
انتشار قطع الغيار ١٠/١٠
تقيم السياره ٧/١٠

مواصفات مميزات وعيوب شيفروليه اوبترا

 

 


 

المقارنة بين 

– متسوبيشي لانسر LR7 ( سوبر اكشن – البومه)

– نيسان صني N16 ( سوبر صالون الشكل القديم)

– تويوتا كورولا (2/E140)

– سكودا اوكتافيا A4 ) MK1)

– هيونداي الالنترا HD

– شفروليه اوبترا j200

من حيث الشكل والقيادة

من حيث الشكل :

1- لانسر
2- الالنترا
3- كورولا
4- اوكتافيا
5- صني
6- اوبترا

 

 

من حيث القياده :

1- لانسر
2- اوكتافيا
3- صني
4- كورولا
5-اوبترا
6- النترا

 

أقرأ ايضا :

 

– بريليانس البافارية تدرس طرح “بريليانس V7 brilliance ” فى مصر اوائل عام 2019

– خبير سيارات .. أفضل مقارنه بين هيونداي فيرنا و دايو لانوس و بي واي دي F3 وبيجو بارس والاسبرانزا M11

 

 

الوسوم
اظهر المزيد

MortadaElshazly

خبير ومتخصص فى مجال السيارات ولدى مقالات عددية فى قطاع السيارات ومحرر لدى موقع جيكس كارز وعاشق لمجال السيارات واتمنى ان افيد كل مالكى السيارات فى مصر والوطن العربى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق