تقارير

خبير سيارات .. أفضل مقارنه بين هيونداي فيرنا و دايو لانوس و بي واي دي F3 وبيجو بارس والاسبرانزا M11

مواصفات ومميزات وعيوب السيارات

قبل الاقبال على الشراء فاننا نظل نقارن كثيراً ونسال خبراء فى مجال السيارات عن كل ما يخص السياراة الموجودة امامنا ، ونسال ملاك كثُر عن تجاربهم مع السيارة ومدى الاعتماية واغلب الاعطال التى تواجهه الملاك والمزايا والعيوب الخاصه بالسيارة.

النهارده مقارنه بين ٥ عربيات مستعمله ٤ منهم شايفهم خيارات لناس كتيره اوي وعربيه مجهوله حبيت اسلط عليها الضوء معاهم ومين احسنهم قيمه مقابل سعر
المقارنه بين

هيونداي فيرنا و دايو لانوس و بي واي دي F3 وبيجو بارس والاسبرانزا M11

 

 

مواصفات ومميزات وعيوب هيونداى فيرنا

 

قاعده عجلات : 2.440
طول : 4.235
عرض : 1.670
Itارتفاع : 1.395
وزن :1.034kg

موتور G4ED Alpna 1.6 cc 16V DOHC I4
قوه موتور 105hp متوصل بفتيس 5Speed
بتتسارع العربيه في خلال ٩ ثواني وممكن ٨.٥ ثانيه

 

تقيم هيونداى فيرنا

جوده موتور 8/10
جوده عفشه 7/10
الامان 3/10😵😵
الثبات 3/10 😵😵
الفرامل 4/10😵😵
جوده الفرش الداخلي 2/10 😷
التكيف 9/10

 

المزايا والعيوب للسيارة هيونداى فيرنا

المزايا

1- قوه موتور الفوق ممتازه علي حجم العربيه
٢- قوه التكيف
٣- بساطه ميكانيكا وعفشه العربيه
٤- رخص قطع الغيار

العيوب

١- الثبات الضايع
٢- الفرامل السيئه وتوجيه غير دقيق
٣- الامان لايوجد اي منظومه امان في العربيه
٤- الفرش البلاستيكي السيئ من الهلال والنجمه
٥- منظومه الصوت الرديئه

 

 

الانطباع الشخصي

خليفه 128 وهنا يبان ذكاء غبور كاتاجر فهم عقليه المصريين
بيدوروا علي خليفه محبوبتهم 128 بكل عيوبها وتفاصيلها السيئه المهم موتور يبقي بسيط اي حد يشتغل فيه واجيب قطع غيار من الكشك وضاف عليها بقي من عنده الموتور المجنون الي جذب كل شاب كان طموحه يركب E36 ولا Civic بس الحاج رفض لأنه موظف حكومه وعايز يقسط فبيع 128 وهيحطها مقدم الفيرنا الي صحابه في مكتب أغلبهم لا جابوها أو جابو لانوس شنطه ضيقه الصالون ضيق جدا
طبعا مافيهاش اي ريحه الامان غير الستر والرضا ودعاء الوالدين

مواصفات ومميزات وعيوب هيونداى فيرنا

 


 

مواصفات ومميزات وعيوب دايو لانوس

قاعده عجلات 2.520
الطول 4.72
العرض 1.670
الارتفاع 1.432
الوزن 1.213

الموتور E-TEC 1.5 SOHC IT 8V 87HP بفتيس 5Speed بتتسارع في خلال 15 ثانيه ل100

تقيم دايو لانوس

جوده موتور 9/10
جوده عفشه 8/10
الامان 4/10😵
الثبات 4/10 😵😵
الفرامل 6/10😵
جوده الفرش الداخلي 4/10 😠
التكيف 8/10

المزايا والعيوب للسيارة دايو لانوس

 

المزايا : 

١- الموتور السهل جدا والمعمر
٢- انتشار قطع الغيار
٣- توفير البنزين وقابليتها ل اوكتان 80
٤- التصميم الجميل
٥- سهوله التعديل ورفع الأداء بمحركات
1.6
1.8
2.0
2.4

العيوب :

١- ضعف أداء موتور علي وزن العربيه
٢- الثبات الضعيف
٣- التوجيه الغير دقيق في الملفات
٤- فرش اسود بلاستيكي كئيب
٥- منظومه صوتيات فاشله

الانطباع الشخصى

هي أيضا خليفه ١٢٨ لكن موجهه لناس الكبار بتوع عدم الجري لان طبعا موتور كلمه واحده و١٥٠٠ مستني منه ايهونفس فكره الفيرنا حاجتها في الكشك الي تحت بيتكم وسهله القياده والصيانة والتصليح عموما يحترم العربيه دي عن الفيرنا المجنونه لانها فرأملها معقوله بنسبه لقوتها موتورها معمر عن الفيرنا شنطه ضيقه الصالون ضيق جدا

 

مواصفات ومميزات وعيوب دايو لانوس
مواصفات ومميزات وعيوب دايو لانوس

مواصفات ومميزات وعيوب BYD F3

قاعده العجلات 2.600
الطول 4.680
العرض 1.750
الارتفاع 1.490
الوزن 1.210
موتور 4G18 Copy وهو شبيه بموتور لانسر بس صيني
1.6 16v SOHC 115hp
بتسارع 10.3 ل100

جوده موتور 8/10
جوده عفشه 7/10
الامان 6/10
الثبات 7/10
الفرامل 7/10
جوده الفرش الداخلي 6/10
التكيف 9/10

 

المزايا والعيوب للسيارة BYD F3

 

المزايا

١-وسع السياره المحترم
٢-الصاج المعقول
٣-وجود انظمه امان
٤-سهوله تغير قطعها الصيني بالياباني

العيوب

الاكسسوار قليل شويه وسئ

 

 

الانطباع الشخصى

العربيه دي نزلت من شركه الامل وهي جاتت بتوليفه محبيه للمصريين (موتور شبيه لانسر الصيني+طابلوه الكورولا ٢٠٠٥ +عفشه تويوتا الصيني+ تكيف تويوتا الصيني) وده معناه أنه لو انتهي اي قطع من دول استبدالهم بالاصلي وده نفس توليفه الاسبرانزا A516 الي نجحت اوي مع المصريين العربيه دي خليفتها عن الاستحقاق الوسع في العربيه دي عظيم جدا وشنطه كويسه جدا جدا .

 

 

مواصفات ومميزات وعيوب BYD F3
مواصفات ومميزات وعيوب BYD F3


مواصفات ومميزات وعيوب بيجو بارس

قاعده العجلات 2.530
الطول 4.410
العرض 1.810
الارتفاع 1.490
الوزن 1.810

الموتور دفع خلفي من SAGEM الفرنسيه مش بيجو TUSGP16 1.6 16V DOHC 99HP
تسارع في ١٨ ثانيه ل١٠٠

جوده موتور 4/10😵😵😵
جوده عفشه 4/10
الامان 6/10
الثبات 7/10
الفرامل 7/10
جوده الفرش الداخلي 5/10
التكيف 6/10

المزايا والعيوب للسيارة بيجو بارس

المزايا:

١-ثبات كويس
٢-صاج محمل
٣-الشكل الفخم
٤-وجود انظمه امان

العيوب :

ندره قطع الغيار
الموتور كثير الاعطال
ضياع سعرها في اعاده البييع

 

الانطباع الشخصى

العربيه دي مش بيجو ولا تمت لصله لبيجو
البيجو اسد فرنسي أما البيجو الإيراني دي زوجه الاسد
العربيه المرات الاسد دي خازوق لاي حد اشتراها
سخونه غبيه في الموتور تكيف فاشل بور تقيل جدا صوت الدفرنس والموتور مزيكا تجبلك صداع نصفي

 

 

 

ر
مواصفات ومميزات وعيوب بيجو بارس


 

مواصفات ومميزات وعيوب اسبرانزا M11

قاعده العجلات 2.550
الطول 4.380
العرض 1.790
الارتفاع 1.48p
الوزن 1.366

الموتور ActEco 1.6 DOHC 16V 119HP
تسارعها 9.6 ل100 k

جوده موتور 7/10
جوده عفشه 8/10
الامان 6/10
الثبات 8/10
الفرامل 8/10
جوده الفرش الداخلي 6/10
التكيف 9/10

المزايا والعيوب للسيارة اسبرانزا M11

المزايا :

١- ثبات كويس
٢- صاج محمل
٣- الشكل الفخم
٤- سهوله تغير قطعها الصيني بالياباني
٥- وجوده انظمه الأمن

العيوب :

١-قطع الغيار عند الناس المعينه
٢-ضياع السعر في اعاده البيع

 

الانطباع الشخصى

العربيه من العربيات الصينيه النظيفه بجد اتظلمت لما نزلت بعد الاسطوره A516 وهي أضيق منها بس ثباتها احسن جودتها احسن الظابلوه شيك جدا وجودهالخامات معقوله الهاتشباك باعتها جميله جدا ممكن نقدر تسقط ليها مواتير المتسيوبيشي من 1.6ل 2.4

مواصفات ومميزات وعيوب اسبرانزا M11


 

مقارنه بين هيونداي فيرنا و دايو لانوس و بي واي دي F3 وبيجو بارس والاسبرانزا M11
من حيث :

 

  • القيمة مقابل السعر

  • إعادة البيع

– قيمه أمام السعر

1-BYD F3
2-اسبرانزا M11
3-دايو لانوس
4هيونداي فيرنا
5بيحو بارس

 

– اعاده البيع

1-هيونداي فيرنا
2-دايو لانوس
3-BYD F3
4-اسبرانزا M11
5-بيجو بارس

 

 

اقرأ ايضا :

 

 – مرتضى الشاذلى… 9 نصائح هامه وانت سايق جنب النقل التقيل

– اخطر مشكله تخص جيلى إميجراند 7 Emgrand .. تعرف عليها

– أحدث قائمة سعرية لسيارات سيات موديل 2018 لشهر سبتمبر فى مصر

الوسوم
اظهر المزيد

MortadaElshazly

خبير ومتخصص فى مجال السيارات ولدى مقالات عددية فى قطاع السيارات ومحرر لدى موقع جيكس كارز وعاشق لمجال السيارات واتمنى ان افيد كل مالكى السيارات فى مصر والوطن العربى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق