نتحدث فى هذا التقرير عن احدث اسعار شيفروليه كابتيفا بعد الزيادات السعرية الجديدة،وايضا عيوب ومميزات شيفروليه كابتيفا 2021 من خلال تجارب فعليه لملاك السيارة فى مصر.

أحدث اسعار شيفروليه كابتيفا 2021 – رفعت اليوم شركة “المنصور للسيارات”- الوكيل المحلى للعلامات التجارية “شيفروليه، وأوبل، وام جي” أسعار سيارات شيفروليه كابتيفا بقيمة 5 آلاف جنيه لفئات «Premmiere» في السوق المحلية

وكانت قد أقرت شركة “المنصور للسيارات”- الوكيل الحصرى للعلامات التجارية “شيفروليه، وأوبل، وMG”، زيادات سعرية على طرازات «شيفروليه كابتيفا» 2020 بقيمة تتراوح بين 5 و10 آلاف جنيه لمختلف الفئات في السوق المحلية، على أن يتم تطبيقها بداية من يونيو 2020.

احدث اسعار شيفروليه كابتيفا 2021

سعر الفئة الاولي من شيفروليه كابتيفا 2021

صعدت أسعار سيارات «شيفروليه كابتيفا» الفئة الأولى «LS» إلى 319 ألفًا و990 جنيهًا، مقابل 309 آلاف و990 جنيهًا.

سعر الفئة الثانية من شيفروليه كابتيفا 2021

وارتفعت أسعار طرازات «شيفروليه كابتيفا» الفئة الثانية «LT» إلى 344 ألفًا و990 جنيهًا، مقابل 339 ألفًا و990 جنيهًا.

في المقابل رفعت الشركة أسعار “شيفروليه كابتيفا” الفئة الثالثة «Premmiere» سعة (5 مقاعد) عند مستوى 364 ألفًا و990 جنيهًا، وسعرت «Premmiere» سعة (7 مقاعد) بقيمة 384 ألفًا و990 جنيهًا.

عيوب ومميزات شيفروليه كابتيفا 2021:

ملاك السيارة يتحدثون عن تجربتهم الفعليه لكابتيفا 2020 – 2021 فى مصر.

راى الاستاذ / Mo’men Rehab على جروب لكابتيفا الجديدة على الفيس بوك

الحمد لله انا استلمت امبارح ورخصت وبقالي يومين مع العربيه وتجربتي سريعا بدون تفاصيل كتير 

1. مستوي العربيه من حيث وضعيه كرسي السائق وارتفاعه بالنسبه لباقي العربيات اللي شبهها بجد رائع (انا كنت راكب سبورتاج 2014 من سنتين )
2. سحب العربيه جميل جدااا وممتاز ومش تقيله ولا حاجه
3. المساحات الداخليه مش محتاجه شكر ولا مدح بجد العربيه دي تفوقت علي الكل في النقطه دي
4. اتزان العربيه والعفشه انا معايا الفئه المالتي لينك وتحركاتي من يومين مابين طنطا وكفر الزيات وطرق كلها مطبات وزي الزفت
5. الشاشه بتاعه الكاسيت شكلها حلو جداا ولكن وحشه من حيث الامكانيات شبه الموبايلات الصيني اول مطلعت من ١٠ سنين
6. وعلي رأي ابني بابا عنده تابلت في العربيه ?
7. لكن صوت السماعات حلو ومقبول
8. شكلها من ورا كان محتاج حد يغش من الشكل اللي قدام كانت هتبقي حكايه
9. حجم الباب كبير وتقيل جداا واعتقد ده هيكون ليه دور مهم جدا في امان العربيه
10. التكييف ادائه مش ممتاز يعني لو هنديله تقييم اعتقد ٨٥ ل ٩٠ % مقارنه بعربيات تانيه جربتها وممكن ده يكون علشان لسه العربيه في الاول او متعودتش عليه
11. الباور بتاع العربيه ناعم جداا وثلث بدرجه حلوه

وتقييمي الشخصي ان العربيه كويسه جدا وتوقعي انها هتحقق ارقام مبيعات كبيره جدا مقارنه بماركات كتير بتنافسها واعلي منها في الامكانيات, ملخص انطباعي العربيه مرنه جدااا لدرجه ملحوظه ومبتحسش بدبه المطب او ردته في العربيه واكيد مع المسافات الطويله هنعرف باقي التفاصيل.

احد الملاك والمتفاعلين بشكل كبير فى جروب الكابتيفا على الفيس بوك يتحدث ‏المستشار سامح عثمان فى فيديو لتجربه فعليه

لمشاهدة الفيديو الخاص بالمالك وراى فعلى على كابتيفا 2020 اضغط هنا

مميزات وعيوب شيفروليه كابتيفا 2020

راى احد ملاك كابتيفا 2020 الاستاذ ‏‎Shady Monir‎‏ 

انا استلمت من اربع ايام و حجزت قبلها ب ٥ أيام فقط من معرض شرين كار تجربتي دي الثانيه معاهم فى ٢٠١٠ و فى ٢٠٢٠ نفس الاهتمام و نفس المصدقيه ده اولا عن تجربتي فى الحجز مع معرض محترم و مسؤول مبيعات محترم

• العربيه ممتازه بشكل عام
• فى التصميم الخارجي و الداخلي
• من ناحيه الوسع فهي تقريبا أوسع عربيه فى فئاتها الكنبه الخلفيه تقريبا Living room صغير
• الاستجابه هايله لدوسه البنزين
• استهلاك البنزين لو مشغل ال Cruise Control على سرعة ١٠٠ استهلاك البنزين من ٧ الي ٨ لتر/١٠٠ كيلو
• العزل ياخد من ٧ الي ٨ من عشره لو فى هواء فى المقابل هتسمع صفاره من المرايات الجانبية بعد ال ١٢٠ و ممكن تسمع بسيط الأصوات الخارجيه
• الاناره الليليه ممتازه
• الشنطه وسعه جدا
• الاتزان ممتاز بشكل عام مع الأخذ في الاعتبار ان العربيه ارتفعها ١٧٦ سم و مع الأخذ في الاعتبار ايضا ان العربيه اللي معايا فئه ال Premium الفئه الثالثه اللي التعليق الخلفي multi link معرفش الفئه الأولي و الثانيه هيكون أداء الاتزان فيها عامل ايه
• الفرامل مش احسن حاجه و احتمال يكون ال تيل بيطبع فى بوش صغير فيها هقولهم فى التوكيل فى صيانه ال ١٠٠٠ كيلو أن شاء الله
• الميديا مقبوله الي حد ما بس هي مقدمه اقل حاجه كان ممكن يكون فيها خاصيه ال mirror link و ال navigator بس ده مش موجود مع الأخذ فى الاعتبار أن فى عربيات تاني زي ال V6 بريليانس نازل فيها الاوبشن ده بس مش شغال فى مصر أم الدنيا.

الخلاصه عربيه حلوه جدا مقابل اللي هتدفعه فيها و تستاهل تزيد كمان بس بعد ما تشتروها نصيحة اشتروها و متخافوش

لتجهيزات وعوامل الأمان والسلامة في شيفروليه كابتيفا 2021

المواصفة	الفئة الأولى	الفئة الثانية	الفئة الثالثة	الفئة الرابعة
نظام ISOFIX	يوجد	يوجد	يوجد	يوجد
حساس ركن	خلفي	خلفي وأمامي	خلفي وأمامي	خلفي وأمامي
مساعد الصعود في المطالع HSA.	يوجد	يوجد	يوجد	يوجد
مساعد هايدروليك في المكابح HBA.	يوجد	يوجد	يوجد	يوجد
نظام تحكم إلكتروني في الثبات ESC.	يوجد	يوجد	يوجد	يوجد
نظام توزيع إلكتروني للمكابح EBD.	يوجد	يوجد	يوجد	يوجد
نظام التحكم في الجر TCS.	يوجد	يوجد	يوجد	يوجد
نظام مكابح مانعة للانغلاق ABS.	يوجد	يوجد	يوجد	يوجد
فرامل يد إلكترونية + AVH	لايوجد	لايوجد	يوجد	يوجد
وسائد الهواء	2 أمامية	2 أمامية و2 خلفية	2 أمامية و2 خلفية	2 أمامية و2 خلفية
قضبان في السقف ومساحة في الزجاج الخلفي.	يوجد	يوجد	يوجد	يوجد
المرايا الخارجية	كهربائية الضبط ومزودة بإشارات LED	كهربائية الضبط ومزودة بإشارات LED و قابلة للتسخين	كهربائية الضبط ومزودة بإشارات LED و قابلة للتسخين والطي الكهربائي	كهربائية الضبط ومزودة بإشارات LED و قابلة للتسخين والطي الكهربائي
إضاءة LED نهارية.	يوجد	يوجد	يوجد	يوجد
مصابيح خلفية LED.	يوجد	يوجد	يوجد	يوجد
ستارة لتغطية الحقيبة.	يوجد	يوجد	يوجد	يوجد
منفذ USB من مرآة الرؤية الخلفية.	يوجد	يوجد	يوجد	يوجد
مصابيح ضباب أمامية وخلفية	يوجد	يوجد	يوجد	يوجد
مصابيح أمامية هالوجين	يوجد	يوجد	يوجد	يوجد
مقابض الأبواب	بلون السيارة	مقابض كوروم	مقابض كوروم	مقابض كوروم
غلق الأبواب والحقيبة كهربائيًا	يوجد	يوجد	يوجد	يوجد
زجاج باب السائق يعمل لأسفل بلمسة واحدة	يوجد	يوجد	يوجد	يوجد
التكييف	تحكم يدوي في التكييف، مع منافذ تكييف خلفية	تكييف هواء بشاشة ديجيتال	تكييف هواء بشاشة ديجيتال	تكييف هواء بشاشة ديجيتال
مساند رأس في المقعد الخلفي	يوجد	يوجد	يوجد	يوجد
مطفأة سجائر وحامل أكواب	يوجد	يوجد	يوجد	يوجد
ضبط مستوى الإضاءة الأمامية	يوجد	يوجد	يوجد	يوجد
جميع المقاعد قابلة للانزلاق والطي	يوجد	يوجد	يوجد	يوجد
منافذ تكييف خلفية	يوجد	يوجد	يوجد	يوجد
فتح السيارة بالريموت بدون مفتاح	يوجد	يوجد	يوجد	يوجد
حقيبة تخزين في ظهر المقعد الأمامي	يوجد	يوجد	يوجد	يوجد
عدد السماعات	4 سماعات	6 سماعات	6 سماعات	6 سماعات
منافذ USB	أمامية	أمامية وخلفية	أمامية وخلفية	أمامية وخلفية
تشغيل الصوت عبر البلوتوث	يوجد	يوجد	يوجد	يوجد
الشاشة تدعم البلوتوث ومنفذ USB	يوجد	يوجد	يوجد	يوجد
كمبيوتر رحلات بمقاس 3.5 بوصة	يوجد	يوجد	يوجد	يوجد
شاشة تعمل باللمس مقاس 8 بوصة	يوجد	يوجد	يوجد	يوجد
كسوة المقاعد	قماش	جلد	جلد	جلد
مصابيح طوارئ في المصد الخلفي	يوجد	يوجد	يوجد	يوجد
عدد المقاعد	تتسع لـ 5 أفراد	تتسع لـ 5 أفراد	تتسع لـ 5 أفراد	تتسع لـ 7 أفراد
زر تشغيل/إيقاف السيارة	لايوجد	يوجد	يوجد	يوجد
فتحة سقف	لايوجد	يوجد	يوجد	يوجد
تصميم الإيريال	——-	Shark	Shark	Shark
حساس ضغط الإطارات	——-	يوجد	يوجد	يوجد
نظام ثبات أوتوماتيك AVH	——–	يوجد	يوجد	يوجد
مثبت سرعة	——-	يوجد	يوجد	يوجد
مكابح إلكترونية للركن EPD	——–	يوجد	يوجد	يوجد
شاشة بيانات للسائق ملونة	———	——-	7 بوصة	7 بوصة
إضاءة بمرايا الشماسة	——-	——–	يوجد	يوجد
نظام تعليق خلفي منفصل	——-	——–	يوجد	يوجد

مميزات فئات شيفروليه كابتيفا 2021

الفئة	الكماليات	السعر
الأولى ( LS )	2 ايرباج، حساس ركن خلفي، كاميرا خلفيه، فرش قماش، شاشة تاتش 8 انش، جنوط عاديه 17 انش ABS, EBD, ESC, TCS, HBA, HSA, ISOFIX, Hill Start Assist, EBP	320.000 جنيه
الثانية ( LT )	4 ايرباج، فرش جلد، نظام صوتي بـ4 سماعات، فتحة سقف، مثبت سرعة	345.000 جنيه
الثالثه ( Premier )	نظام صوتي بـ6 سماعات، فتحة سقف كهربائية، حساس ركن امامي نظام مراقبة ضغط الإطارات، لوحة عدادات 7 انش مُلونه، جنوط Premium بمقاس 17 انش	364.000 جنيه
الرابعه ( Premier 7 Seats )	7 مقاعد مع كافة التجهيزات ووسائل الامان والكماليات الموجوده في جدول المواصفات	384.000 جنيه

مميزات وعيوب شيفروليه كابتيفا 2021

المميزات:

وتتميز السيارة الجديدة بإتساع وإنسيابية صالونها الداخلي ذو الخمس مقاعد المريحة فيما تتوفر بسبع مقاعد (صف ثالث) بفئةPremier وهي الأنسب للعائلات الكبيرة عدداً والسيارة فئةLT وPremier مزودتان بعجلة قيادة متعددة الأغراض ومقاعد جلدية ومثبت سرعة مع فتحة سقف كهربائية ومقابض من الكروم بالإضافة لنظام تشغيل وإيقاف السيارة بدون مفتاح.

تتمتع السيارة الجديدة بتصميم خارجي عصري وأنيق ومصابيح أمامية جديدة بالكامل تتناغم مع الشبكة العلوية الجذابة ومصابيح هالجين أمامية عالية الأداء ومصابيح LED نهارية جديدة ومصابيح ضباب أمامية وخلفية بالإضافة لجنوط رياضية 17 بوصة من الألومنيوم وإطارات 215 / R60 17 كما تتوفر في عدد من الألوان المميزة لتضفي علي السيارة مزيداً من الإبهار والأناقة.

وتكييف هواء ديجيتال، تحتوي أيضاً السيارة فئة Premier علي شاشة بيانات ملونة 7 بوصة للسائق وحساسات أمامية للركن ومرايا كهربائية قابلة للطي ونظام عرض ضغط الإطارات بالإضافة لمقعد السائق الكهربائي والذي يعمل في ستة إتجاهات ليضفي مزيد من الراحة أثناء القيادة.

وجميع الفئات مزودة بأعلي أنظمة الأمان من وسائد هوائية وبالإضافة إليHBA, EBD, ESC, ABS ونظام المساعدة بالمرتفعات Hill Start Assist فضلاً عن كاميرا خلفية وشاشة 8 بوصة ملونة للتحكم والإستمتاع بالموسيقي.

اراء عن خبراء عن السياره بالتجارب الفعليه

راي الاستاذ محمد حسني وهو جرب العربيه بنفسه:

أداء_التكييف

قبل ماأقول رأي هتكلم عن تجربتي في البلد ده في جنوب السعودية وهيبقي فيه إعتبارات عدة منها

إرتفاع درجة الحرارة والرطوبة أكتر من مصر
لون العربية غامق ( Aurora silver ) كما هو مسماه وده من الألوان اللي بتمتص أشعة الشمس

ورغم ذلك اداء التكييف كان جيد جدا علي #ثاني درجة
بالإضافة إلي أنه نفس إنطباع دكتور عماد وهو بقاله شهر بيستخدم العربية
وأيضا من أ/ وليد اللي إستلم في مصر وأكد علي حد وصفه إنه ممتاز

مميزات وعيوب شيفروليه كابتيفا 2021 كما تحدث البعض

تحدث البعض وهاجم طرح كابتيفا في الشوق الان وامها في الأساس صيني وايضا هناك تخوف كبير من المكونات والخامات

لا يوجد للسياره تقييم سلامة علي يورو أن كاب أو أي جهة تقييم سلامه عالمية

وايضا تحدث البعض عن أن الجديدة من شيفروليه ستكون سياره صيني وايضا من بعض العيوب أن السياره بها 2 ايرباج فقط ف اول فئة.

ولكننا الان لا يمكننا الحكم قطعيا علي أنه بها عيوب لان لسه محصلش تجارب فعليه للسياره والحكم الان عليها غير صحيح.

ودة رابط فيديو ريفيو عن السياره وشكر للاستاذ محمد حسني علي مجهوده

https://www.facebook.com/groups/1795739327400668/permalink/2268432476798015/

فيديو التسارع من 0 ال 100 وشكر خاص للاستاذ عماد بكار

https://www.facebook.com/groups/1795739327400668/permalink/2271930699781526/

فيديو اختبار العزل الصوتي لشيفروليه كابتيفا من الاستاذ محمد حسني

https://www.facebook.com/groups/1795739327400668/permalink/2267540160220580/