اخبار السياراتاخبار مصريةتقارير

مقارنه بين “نيسان سنترا – شيفورليه كروز – هيونداي النترا MD”.. المحرك والمميزات والعيوب وتجربه مالك

مواصفات مميزات وعيوب السيارت

 

مواصفات مميزات وعيوب السيارت – ماذا تفعل عند شراء سيارة ؟ او عندما تقبل على شراء سيارة فانك بالتأكيد تبحث عن الخيارات الموجودة فى السوق حسب القدرة الماليه التى تناسبك!

 

فى هذا التقرير نعرض عليكم مقارنات بين 3 سيارات من افضل السيارات الموجودين فى السوق المصرى:

– نيسان سنترا

– شيفورليه كروز

– هيونداي النترا MD

 

مقارنة بين نيسان سنترا و شيفورليه كروز وهيونداي الالنترا
مقارنة بين نيسان سنترا و شيفورليه كروز وهيونداي الالنترا

المقــارنه بين السيــارات لخبير السيارات “مرتضى الشاذلى”

مواصفات ومميزات وعيوب نيسان سنترا فى مصر

 

المحرك :

موتور 1600cc HR16DE 118hp

متصل بفتيس Xtironc Cvt

 

ابعاد السيارة :

قاعده العجلات 2700 سم
الطول 4625 سم
العرض 1760 سم
الارتفاع 1496 سم
الوزن 1298 كج

 

تجربه القياده:

العربيه خامتها ممتازه وتعتبر نقله لنيسان بالمقارنه بخامات الصني N16 وبتفكرنا بخامات بلوبيرد سيلفي.

العربيه فعلا ممتازه في ثباتها وطلعتها تعتبر جيده 11كج لكل حصان لكن مع وصول قوه المحرك الكامله تبدا العربيه تتخنق بسب فتيس CVT فرامها ممتازه احساسك بالطريق جيد جدا .

العيوب تتخلص ان ناس كتير معتقده ولاسف ان CVT Gear مش بتغيرله زيت بسب تعلميات التوكيل الخطأ لكن في الحقيقه لازم يتغير الزيت كل 25000 كم.

 

مميزات وعيوب نيسان سنترا

المميزات :

الخامات ممتازه
الثبات ممتاز
الاعتماديه
الفرامل قويه

العيوب:

فتيس Xtrionc cvt حساس جدا
عدم توفر بعض قطع الغيار من الوكيل
سعر قطع الغيار الجديد والاستيراد ( غاليه)

 

مواصفات ومميزات وعيوب نيسان سنترا - جيكس كارز
مواصفات ومميزات وعيوب نيسان سنترا – جيكس كارز

مواصفات ومميزات وعيوب شفورليه كروز فى مصر

المحرك :

موتور 1600 Cc E16SE 116hp
متصل بفتيس 6T30 6speed

 

ابعاد السيارة:

قاعده العجلات 2685 سم
الطول 4597 سم
العرض 1797 سم
الارتفاع 1489 سم
الوزن 1576 كج

 

تجربه القياده:

المظلومه دايما بسب سمعه موتور C16SE السيئه وفتيس 6T40
لكن جنرال موتورز قررت تعدل خطأها ونزلت في 2012
بموتور الاوبل الاسترا 1600 Cc E16SE 116hp
متصل بفتيس 6T30 6speed

العربيه تقيله جدا في طلعتها 13.57 لكل حصان ثباتها ممتاز جدا جدا بمقارنه بالمنافسات في نفس الفئه لكن الفرامل مشوارها طويل وده عاده فرامل جنرال موتورز
الاحساس بالطريق ممتاز جدا جدا.

 

مميزات وعيوب شفورليه كروز 

المميزات:

الخامات ممتازه جدا
الثبات الخرافي
العفشه مريحه

العيوب:

مش اي حد يعرف يصالحها
اعاده البيع متوسطه
كااي عربيه الماني عايزه متابعه وتركيز في مواعيد صاينتها

 

مواصفات ومميزات وعيوب شفورليه كروز
مواصفات ومميزات وعيوب شفورليه كروز

 


مواصفات ومميزات وعيوب هيونداي النترا MD فى مصر

المحرك:

موتور G4FC1.6 1600 Mpi 128 Hp متصل بفتيس MK6 اوتو 6speed او فتيس منايوال 6speed

 

ابعاد السيارة:

قاعده العجلات 2700سم
الطول 4530 سم
العرض 1775 سم
الارتفاغ 1435سم
الوزن 1320كج

 

تجربه القياده:

العربيه واسعه جدا من جوه الخامات مقبوله شكل الطبلوه مميز جدا وفخم بس فيه عيب جوهري في فتحات التكيف الي تحت شويه وشبابيكه صغيره.

طبعا العربيه طلعتها ممتازه حصان لكل 10.3 كيلو ودي تسيه جيده بس بمقارنه مع هوندا سيفك تكسب الهوندا حصان لكل 9.8 .

طبعا العربيه مشيها معقول لحد 120 بعد كده يخف الدركسيون وماتحسش بالطريق وتوجيهاته تبقي غير دقيقه مره وده بيخوفك اوي في الملفات مع ان العربيه ثباتها مش وحش بس الاحساس بالطريق صعب جدا الفرمله ودي مشكله ازليه ظهرت مع طراز HD الي قبل موديل ده الفرامل ضعيفه جدا ومنظومه ABS مش فعاله اوي باختصارالعربيه تحب المشي الهادي المعقول تبقي مميزه اوي غير كده عايزه سواق قلبه ميت.

بنسبه بمشكله الثبات ده بتعالج بفرد كاوتش مقاس ١٧/٥٠ /٢ انش مع تركيب شداد للحوض وشداد عفشه الي بنزل لافانتي الكوريه العربيه هتتحسن كتير وعن تجربه

مميزات وعيوب هيونداي النترا MD

المميزات:

انتشار قطع غيار ( جديد/ مستورد)
اعاده البيع فوق الممتازه
شكل العربيه مميز وثوري ورياضي
الصالون الواسع

العيوب:

الفرامل الضعيفه
سهله السرقه
عيوب في تكيهات وكامات الموتور
عيوب في علبه الدركسيون
البودي الي مليان تفاصيل يبقي صعب في اعاده ترميمه

 

مواصفات ومميزات وعيوب هيونداي النترا MD
مواصفات ومميزات وعيوب هيونداي النترا MD

اقرأ ايضا :

– مقارنه بين “بريليانس V5 – شيري تيجو – شانجان Cs35 ” .. المحرك والمميزات والعيوب والاعتمادية والثبات

– مواصفات وسعر شيرى تيجو 4 الجديدة SUV بعد إطلاقها رسمياً فى مصر

الوسوم
اظهر المزيد

MortadaElshazly

خبير ومتخصص فى مجال السيارات ولدى مقالات عددية فى قطاع السيارات ومحرر لدى موقع جيكس كارز وعاشق لمجال السيارات واتمنى ان افيد كل مالكى السيارات فى مصر والوطن العربى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق