معلومات تهمك

مرتضى الشاذلى… 9 نصائح هامه وانت سايق جنب النقل التقيل

القيادة بامان بجانب النقل الثقيل

الاخطاء دي لازم تخلي بالك منها وأنت سايق جنب مقطورة

السواقة في مصر على الطرق السريعة هي الأخطر طبعا، ما بالك كمان جنبك مقطورة .. ده بقى الخطر الأكبر “ليفل الوحش” يعني، وعشان كده في شوية حاجات لازم تخلي بالها منها وأنت سايق جنب أي مقطورة .

 

1- التريلا و المقطورة والنقل الثقيل ما تحاولش تكون ماشي جنبه ومقرب منه يمينه أو يساره بالذات في الزحمه .

 

2- ما تحاولش تعمل غرزه او تتخطي سائق المقطورة الا لو الطريق فاضي بس .. لو امامك عربية وهدت أو فرملت المقطورة مش هايعرف يفرمل وهايحتاج 300 متر علشان يقدر فقط يوقف #المقطوره .

3- ما تمشيش قدام نقل او تريلا او وراه او جنبه .. إبعد عنه 100 متر في كل الإتجاهات بقدر المستطاع حتى لو سرعتك 20 كيلو/ساعة .. وانفد بجلدك و عربيتك وحياتك وروح سالم .

 

4- سائق النقل أو التريلا أو المقطورةنسبة كبيرة منهم بيكون متعاطى منشطات .. طبعا فيهم ناس محترمه .. فلازم تخلى بالك جدااا

5- سواق المقطورة والتريلا عنيد  وممكن يدخل سباق مع عربيتك الملاكي ياريت ما تحاولش تنافسه او تسابقه وتكسر عليه .. يبقى إنت كده اللي بستعجل أجلك بإيدك وعايز تسافر للأخرة أو بتنتحر .

 

6 – سادس حاجة لازم تعرفها هي النقطة العمياء عند سواق المقطورة، وهي النقطة اللي مبتظهرلوش في المراية وهي الخطر الأكبر عليك، وبتكون على شمال سواق المقطورة في المنطقة بين الباب الشمال وبداية جسم المقطورة الخلفي، ويمينه مباشرة تحت المراية الجانبية، وكمان المنطقة الخلفية للمقطورة مباشرة، واللي سواق المقطورة مستحيل يشوفها بسبب كبر حجمها.

وخلي بالك، أوعى تعدي من جنب المقطورة اليمين؛ عشان ممكن يغير اتجاهه في أي وقت ومش هيكون شايفك.. خليك على شماله أفضل واستخدم النور والكلاكس دايما عشان ياخد باله منك.

 

7 – تاني أوعى عقلك يوزك وتاخد غرزة جنب مقطورة، لو مشافكش هيشقلطك .

 

8 – خلي بالك من النور الشديد اللي ممكن ميخليهوش يقدر يعرف أنت فين بالظبط وده معناه إنك في خطر.

 

9 – وأهم حاجة بقى خلي بالك من الملفات والدورانات؛ لأن سواق المقطورة ليه طريقة خاصة بتجبره يسيب مساحة كبيرة جنبه؛ عشان ياخد الملف أو الدوران من أقصى اليمين إلى أقصى الشمال، ودخولك في المساحة دي هيعرضك لأكبر خطر .

 

الوسوم
اظهر المزيد

MortadaElshazly

خبير ومتخصص فى مجال السيارات ولدى مقالات عددية فى قطاع السيارات ومحرر لدى موقع جيكس كارز وعاشق لمجال السيارات واتمنى ان افيد كل مالكى السيارات فى مصر والوطن العربى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق