اخبار مصرية

كلام فى الصميم ..السوق رايح فين !!

و السوق رايح فين
سؤال الناس بقت تسألني كا واحد يعني بفهم علي قدي في العربيات

بقلك في مثل انجليزي بقول ان عقارب الساعه تدور دوره وتعود وكذلك التاريخ
وعندنا بالبلدي بنقول ان التاريخ بيعد نفسه
طب ده ماله ومال كلامنا ياعم الحاج
ياعم اصبر علي رزقك

 

 

في العقد الاول من قرن العشرين مع اختراع السياره من المانيا وتطويرها في انجلترا وفرنسا وايطاليا
كان المنتشر ومتعارف عليه وزي ما بنقول الشعبي في مصر

العربيات الالماني والانجليزي

زي من انجلترا
رولزرويس
بنتلي
روفر
اوستن
اوستن مارتن
ام جي
جاكوار
ديملر
فيسكهول
بريستول
برتيش فكتوري
ومن المانيا
مرسيدس
مايباخ
بي ام دبليو
اوبل
دي كاي دبليو
وانديرار
بورش

الي بعد كده اصبحوا الاربعه اودي
ويزرمان
بوراجورد

بورش
فولكس في فتره لاحقه

من فرنسا
رينو
بيجو
ستروين
بوجاتي
دي اس

ايطاليا
فيات
لانشيا
الفاروميو
فيراري
مايزارتي
والسويد

ساب
وفولفو

 

 

وده لحد الاربعينات من القرن

بعد كده دخلت الامريكي علي الخط وبدات تحوز علي ثقه العميل لانها ارخص من مثيلاتها في المانيا وانجلترا وفرنسا وايطاليا والسويد

زي كاديلاك
بونتياك
بويك
اولدزموبيل
كرايسلر
دودج
شيفورليه
فورد
ميكروري
لينكون
بلايموث
واجنر
جي ام سي

 

ده لحد السبعنيات

انجهت انظار العالم لطوفان فيات وفرنساوي وعربيات دول اوروبا الشيوعيه زي روسيا ورومانيا واوكرانيا
الي كان ارخص من الامريكان والانجليز والالمان

فيات
لادا
بولونيز
بيجو
رينو
داتشيا
سيات

 

بعد كده في تسعينات لحد 2006

طوفان الياباني وخصوصا الثلاثي المرعب الي اثبتوا جودتهم وبقوا محفوظين لكل مكاني

متسوبيشي
تويوتا
نيسان

ده جنب

الهوندا
وسوزوكي
ومازدا

ووجود محدود
لسوبارو

وبعد كده من 2005 لحد2012
الاعجاز الكوري في العالم وفي مصر
هيونداي
كيا
دايو / شيفورليه الكوري

 

 

وبعد كده تسونامي الصيني من 2012 لحد الان

الي بدا من عند حسام ابو الفتوح لما بدأ بسيارات اسبرانزا الي كانت تعتبر جودتها معقوله جدا بنسبه كا عربيه صيني وبعد كده بريليانس مع البافاريه برضه كانت جودته معقوله
في سنه 2005 ل2006
لكن الناس كانت خايفه وفضلت خايفه لحد اسبرانزا اثبت وجودها

 

وهنا السوق بقي حرفيا مستقبل لكل صيني ومع هوجه الكروس اوفر الناس بقت تدور علي ضخامه والشكل والاوبشن بدون الرجوع لاي معايير في ظل عدم قدرتهم علي شراء عربيات كوريه او يابانيه وطبعا اوروبيه الي اصبحت عايزه ناس من اصحاب دخول المرتفعه

 

 

وده فتح شهيه تجار قطع غيار الاستيراد ومعارض السيارات المستعمله انهم يروحوا الصين ويجبولنا عربيات مجهوله المصدر غير متوافقه مع المعاير الدوليه ولا ليها اختبارات امان وممنوعه من دول كتير باسعار لاتذكر ويجيوا يبعوها بفلوس

 

 

ودايره الجهنميه تبدأ بانه

في ادمنز مأجورين مدفوع ليهم بينزلوا موديلات صينيه مدخلتش السوق ويبدأوا يغظموا ويفخموا العربيات دي ويخلوها اسطوره في عين الناس ولما يلاقوا عليها اقبال ينزلوها وتكون عماله رقم قياسي في حجوزات

 

بعد كده يجيبوا ببعض مراجعين السيارات Car Youtuber
ويخليهم يعملوا تست درايف يفتقد لمعاير العلميه لاختبار العربيات ويمجدوا في عربيات وطبعا ده بيدى مبرر لادمنز انهم يسوقوا العربيات دي ويقلك ماشوفت الخبير فلان بيشكر في عريياتنا ازاي

 

طب الصيني بقي رخيص ابدا الصيني بقي غالي وده بسب اقبال الجهله والمغيبين

 

وكل بيلبس في عربيات مواتيرها بتتخرم وفتايس بتتفرم وضفاير بتتحرق وكنترولات بتضرب ووكلاء لا عارفين يخدموا ومنتجات عديمه الجوده وقطع غيار عديمه الجوده

و ده بيأدي الي ضايع تحويشه العمر وزي ماشوفنا في حاله ابو عدنان في عربيه الايجل لما جاتت جلطه ليه بسب سؤء معامله الوكيل او بتأدي الي زياده عدد الحوادث في مصر

 

المتوقع في ظل غياب رقابه الدوله علي تلك الصادارات هنلاقي موجات كبيره من انواع مجهوله من عربيات الصينيه والتايلانديه والهنديه
هتغزوا السوق وظل عدم التوعيه هيداي الي كثافه الاقبال عليها وسعرها مش هيبقي اقتصادي نهائي

 

 

وظهور مكثف لظاهره اوفر برايس الي غايبه عن عين الدوله والي تعتبر من اوجه الاقتصاد الموازي لاقتصاد الرسمى وبعيد عن ضرايب المبيعات فكل تاجر بيكتب السعر الرسمي فقط في الفاتوره الي بتم احتساب ضريبه المبيعات
فيعني لو عربيه ب420000 بالاوفر برايس لكن بتم احتساب بسعر 400000 السعر الرسمي فتيم خصم 46511 ج فقط ولكن المفروض خصم 48837 ج يعني فرق 2326 في 100 عربيه 232600 ج في الشهر مثلا

 

 

ده غير ان في شركات صينيه محترمه زي شانجان وبريليانس وهايما وجيلي وشيري تأثروا بسمعه الماركات المجهوله

 

وطبعا الملف ده مش هيتوقف عند كده فقط لكن في حلقات اخري تبين ان الصين بتنتج عربيات ممتازه وعربيات حقيره علي حسب طلب المستورد الي بيدور هنا في مصر علي اسوء الخامات اعتمادا علي جهل العملاء وعدم ثقافته

 

الوسوم
اظهر المزيد

MortadaElshazly

خبير ومتخصص فى مجال السيارات ولدى مقالات عددية فى قطاع السيارات ومحرر لدى موقع جيكس كارز وعاشق لمجال السيارات واتمنى ان افيد كل مالكى السيارات فى مصر والوطن العربى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق