مهندسو البيلى للصيانة .. وظيفة زيت الفتيس وامتى تغيره ؟ احط نوع ايه ! هو الزيت بيتزود ولا بيتغير ؟؟
مركز البيلى لصيانه السيارات “تريبل اية” اشار عبر الحساب الرسمى للمركز على الفيس بوك الى انطلاق حمله توعيه لكل مالكى السيارات بعنوان “متخليش حد يضحك عليك” واعتمد مهندسو المركز على التحدث بالعاميه وباسهل طريقه ممكنه لتوصيل المعلومه بافضل شكل.
زيت الفتيس
وظيفة زيت الفتيس وامتى اغير زيت الفتيس وبغير الفلتر كمان ولا لا ؟ وانواع زيت الفتيس ؟
ايه هو زيت الفتيس ووظيفتو ايه اساسا
هنتكلم عن السيارات الاوتوماتيك فا زيت الفتيس هو زيت بيحمل مواصفات معينه تتوافق مع نوع الفتيس وعدد سرعاته ? تمام يعني في شرطين اهو مواصفاتو ونوع الفتيس مهمين اوي
طيب ووظيفتو !!!
زيـت الفتيس بيقوم بتـزييت الاجزاء الداخـلية المتـحركة للفـتيس وفي نفس الوقت تبريد اجزاء الفتيس نتيجة الاحتكاك و السـخونة الناتجة عن حركة التروس و الاجزاء الميكانيكية الداخلية اخدنا بالنا من السخونه دي ??? طيب هو اي زيت حتى لو زيت كرستال بتاع القليه اتعرض لحراره عاليه وتكرار الاستخدام !!!! مش هنرمي ونغير ولا هنسيب البطاطس كده!!! ? هنغير واكيد مش هنزود اصل القديم اسود خالص ومبقاش زي الاول لييييييه يا باشمهندس؟ علشان الحراره فككت جزيئات الزيت فـ فقد لزوجتو وكمان من كتر الحركه اسود.
يبقى اتفقنا اننا هنغير زيت الفتيس مش هنزودو
أمتي أغير زيت الفتـيس ؟
سؤال جميل جدا ومليان اراء ومدارس كتير بس صدقني التجربه العمليه افضل وخدها من البيلي كلمه ?
زيت الفتيس ال 4 سرعات كل 40 الف كيلو وده ليه مواصفات
زيت الفتيس ال 6 سرعات كل 80 الف كيلو وده ليه مواصفات مختلفه
ليه ? ….. بغض النظر ان مصنع العربيه نفسو هو الي حاطت المواصفات دي بس ده كمان نوع والمواصفه الزيت المحطوط ليها حد … كتير اوي بنقابلهم مشيين عداد اعلى من المفترض وعايز يغير الزيت علشان صديق الطفوله نصحو ان الزيت يقعد !!!!!! ويستغرب لما مراكز وتوكيلات تطلب منو امضاءات كتير على مسؤوليتو !!! وباستغراب يسال ليه ؟؟ ده عماد مأكدلي انو يقعد .
نتكلم عن فلتر زيت الفتيس
طائفه من الناس قالت لازم يتغير لازم وناس تانيه قالت لا مش لازم
مع ان مش كل العربيات اصلا ينفع تغيرلها فلتر فتيس يعني مثال بسيط الفتيس ال ٦ غيار فلتر الفتيس داخلي مبيتغيرش !!!!! وده اكبر دليل للناس الي بتقول ازاي دول ضحكو عليك
البيلي بيقول ان فلتر الفتيس لا يتم تغييرة الا في ثلاث حالات وهما:
1- ان يكون العميل بيأخر تغيير زيت الفتيس كل مرة فا بلتالي حتى الزيت الجديد بيتحط ولسه محطوط ولكن لونو اصبح اسود بدل احمر فا ده معناه ان الشوائب كتير جدا ولا زم تغييرة
2- ان يكون في اصلاحات في الفتيس لا قد الله فا بلتالي هفك الكارتيرة للاصلاح وهغير دوره كامله وهغسل فتيس
3- الحاله التالته وهي عدد كيلوات متقدمه ودي بتكون نسبيه على حسب حاله الفتيس في عربيات ممكن تغيرو بعد ال 300 الف كيلو في بعد ال 200 عمليه نسبيه بيحددها المهندس الي هيغير الزيت .
واخيرا بقى العربيه بتاخد كام كيلو زيت
بص يا سيدي كلو كلو كلو العربيات ال 6 العربيه بتاخد حوالي 7 كيلو وشويه بس طبعا لما بنفك الطبه بينزل 4 كيلو بس والباقي بيكون بين اجزاء الفتيس نفسهم …. (تجربه شخصيه ?) من تجارب البيلي هي ان بعد ما بيتم تغيير الزيت بنطلب من العميل ان بعد شهر ييجي تاني نغيرو الزيت تاني ? وده علشان ننضف دورة الفتيس بس بطرق اوروبيه كده ? لان ال ٤ لتر الجداد هيختلطو بلزيت المعجون جوة الفتيس فا هتلاقيه اسود بردة !!! وهتقول الله انتو غشتوني انا لسه مغيرة ايوة يا فندم فاهمين والله احنا هنضفلك دورة فتيس بس لا حياه لمن تنادي.
…. اما عن الفتيس ال4 سرعات وهو مختلف تماما عن ما سبق فا بياخد عند فتح الطبه 3 كيلو زيت طبعا بدون الفلتر في العربيات دي ممكن الفلتر يتغير بس وقتها العربيه هتاخد زيت اكتر طبعا لان مش هيتم تغييرة عن طريق الطبه لا ده عن طريق فك الكرتيرة كلها.
بكل الشكر تتقدم ادارة موقع جيكس كارز على هذه الحمله لتوعيه مالكى السيارات حتى لا يتعرضوا لغش الفنيين ونتمنى من مهندسو وفنيون الكرز تقدم المزيد من المعلومات.
