تقاريرمشاكل وفنيات السيارات

تقرير.. هانى الغازى .. كل ما تريد معرفته عن ميتسوبيشي اتراج

ميتسوبيشي اتراج

ميتسوبيشي اتراج Mitsubishi Attrage  هي سيارة صغيرة من الفئة متوسطة الثمن والإمكانيات والشكل ايضاً ما يميزها انها تحمل علامة ميتسوبيشي اليابانية الشهيرة السيارة صناعة تايلاندي وتقفيل تايلاندي .

 

يقدم لكم الاستاذ هانى الغازى المسئول فى مجموعه رابطة مالكى ميتسوبيشي اتراج مصر تقرير عن مشاكل وفنيات السياره فى شكل سؤال واجابه عن السياره ميتسوبيشي اتراج 

1- سعر الاتراج كام دلوقتى ؟

تم تعديل السعر عدة مرات بعد تحرير سعر الصرف .

 

2- هو صاج العربية خفيف ؟

الصاج خفيف شوية زى صاج الصنى و اللوجان وزى باقى العربيات فى السوق و على فكرة اى صاج فى الدنيا مهما كانت صلابتة وقت الخطر بيتكسر .

 

 

3- هو التكيف ضعيف و العربية مستحملاه ؟

التكيف جيد جدا و مالوش اى تاثير على السحب و العربية مواصفات خليجية يعنى التكيف بزيادة و العزل الحرارى بزيادة و العربية فى الكويت و الامارات و قطر و محدش بيشتكى هناك من التكيف .

 

 

4- قطع الغيار موجودة و لا ناقصة اصل الناس بيقولو مالهاش قطع غيار ؟

قطع الغيار متوفرة اصلى و استيراد لكن مع ازمة الدولار فى اخر سنتين اللى ظهر فيهم موديل الاتراج و كان لسة جديد تاثرت الكميات بهذة الازمة و بالتالى كل فترة كنت بتلاقى نقص فى قطعة معينة لكن الحمد لله تم التغلب على هذة النقطة واصبحت موجودة اكثر و متوفر فى الحرفيين قطع غيار استعمال خارج و ابواب و انصاف امامية و خلفية .

 

 

4- العربية 3 سليندر مش هياثر على الاداء ؟

كونها 3 سليندر لا يعيبها لان BMW بداية من الفئة الاولى الى الفئة الثالثة 3 سليندر . التكنولوجيا الحديثة تغلبت على مشكلة ال 3 سليندر القديمة فصنعت موتور قوى الاداء مع توفير عالى فى الوقود و توفير فى التكلفة . و الموتور هو نفس موتور اللانسر EX الفرق بس انة ناقص سليندر واحد و الموتور مايفك 3ِA92 mivec 2 كامة و 12 صباب و هو تكنولوجيا 2012 اول اصدار ظهر لة . و ناجح جدا مع الميراج و الاتراج و مفيش اى ريفيوهات عن الموتور فى العالم كلة .

 

 

5 – هى العربية فى منها هاتشباك ؟

اه بس النسخة الهاتشباك اسمها ميراج و دى بتنزل برة مصر و عاملة مبيعات عالية جدا و سمعتها ممتازة و مصنفة من احسن 5 عربيات 3 سليندر فى العالم . و كمان حاصلة على 5 نجوم فى المواصفات الاوربية .

 

 

6- وزن العربية 900 ك العربية اخبارها اية فى الثبات و هل تستحمل سفر ؟

وزن العربية خفيف فعلا لكن العربية ثابتة و ممكن نقول ان ثبات العربية ممتاز حتى 120 و جيد حتى 140 و مقبول فوق ال 140 . و كون الباور كهربائى فبيديها ثبات و مرونة اكثر لان الباور بيتقل كل ما تزود السرعة و بالنسبة للسفر بتستحمل جدا زى اى عربية كبيرة و زى اى عربية BMW 3 سليندر لان اسم الشركات الكبيرة زى ميتسوبيشى و غيرها من الشركات العريقة ليس بالقليل حتى تضيع سمعتهم فى تصنيع عربية غير تامة المواصفات . الاصل ان العربية متوافقة كليا مع بعض .

 

 

7- الفتيس فى الاتراج نوعة اية ؟

الفتيس CVT يعنى تعشيق مستمر عبارة عن بكرتين و بينهم سير معدنى بمواصفات محددة مطاطى و البكرتين مخروطيتين متغيرين القطر بانتظام كنترول الفتيس بيتعرف على السرعة المحددة و بيعمل محاكاه لشكل الترس المطلوب مع كل سرعة يعنى بيديك عدد لا نهائى من النقلات فبيجمع سرعة بطريقة رهيبة و فى نفس الوقت موفر جدا للوقود و معمر جدا الا فى حالات الاهمال فى تغير الزيت كل 40 الف ك .

 

 

8- مواصفاتها اية و اى الكماليات اللى بتنزل فيها ؟

العربية بتنزل فى الفئين بمواصفات ثابتة زى اتوماتيك CVT
و مزودة بفرامل ABS – EBD كانظمة امان للفرامل
4 زجاج كهربائى زجاج السائق بلمسة واحدة
امبليزر ضد السرقة
باور كهربائى
نظام صوتى cd Mp3 مزود ب 2 سماعة فى البيز لاين و 4 سماعة فى الهاى لاين
ايرباج واحد للسائق
كمبيوتر رحلات و حساب معدل الاستهلاك لحظيا
شنطة واسعة 450 ليتر
صالون واسع يكفى ل 5 اشخاص بالغين
بتزيد فى الهاى لاين 5 جنط اسبور + فوج لايت + كرسى هيدرولك بكرة للسائق + ال cd مزود بوصلة usb + تحكم فى الطارة مالتى فانكشن .

 

 

9- السيارات المنافسة لها فى السوق المصرى مين ؟
الرينو لوجان – سوزوكى سويفت – شيفرولية افيو – لادا جرانيتا – كيا بيكانتو – هيونداى I10 جراند – هيونداى فيرنا .
كل دول نفس الفئة B segment و السعر متقارب و لكن الاتراج كونها يابانى و تجمع فى تايلاند فانها تتميز بقلة المشاكل و جودة التقفبل العالية و ندرة عيوب التصنيع .

 

 

10- التوكيل مين و اخبارة اية ؟

التوكيل شركة دايموند موتورز مصر وكيل ميتسوببيشى فى ابورواش طريق مصر اسكندرية الصحراوى و لية فروع منتشرة على مستوى الجمهورية و لتواصل بين رابطة مالكى اتراج و التوكيل على خير ما يرام لصالح اعضاء الجروب و فقط و بيتم نقل اى شكوى من الاعضاء بكل امانة و بيتم التواصل حتى الحل .

بالاضافة الى العروض و التسهيلات اللى بيقدمها التوكيل و المراكز المعتمدة التابعة له للاتراجية مثل بترروجروب و السعودى و البرقان و ابوحتة بيقدمو خصم 10 % للاعضاء حاملى اللوجو المسلسل و المسجل فى قاعدة بيانات الجروب .

ارجو ان اكون جمعت اكبر قدر من الاسئلة المتداولة ………… هانى الغازى

 

 

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق