تجارب مالكى السياره Subaru XV 2018 فى مصر .. مميزات واسعار سوبارو فى مصر

فى هذا التقرير سنتحدث عن السياره Subaru XV 2018 وسنعرض عليكم بعض التجارب الفعليه لمالكى السياره فى مصر حيث ان هناك اراء تقول ان Subaru XV 2018 لم تاخذ حقها فى السوق المصرى رغم انها من السيارات الافضل فى فئاتها.

وبالنسبه لسعر Subaru XV 2018

الفئه الاولي 420000
الفئه التانيه 479000
الفئه التالته 500000

تعرف معنا على بعض اراء المصريين فى السياره سوبارو XV

راى الاستاذ محمد حسين :

عربية تحفة يعيبها فقط فقر التابلوة شوية و الشنطة ضيقة الى حد ما … تسارع مرضي بالنسبة لعربية دفع رباعي ١٦٠٠ و وزنها ١٤٥٠ كلغ ، غير كدا العربية تحفة و قطع غيارها الاصلية ارخص من اي عربية كوري في نفس الفئة ، الثبات الله اكبر ، سوبارو استاذة في الموضوع دا …
كل العيوب اتعالجت في الشكل الجديد ما عدا الشنطة وسعت شوية و لكن برضو ما زالت ضيقة
مريحة جدا في السفر

راى الاستاذ كريم خالد وامير عبد الحميد :

السوبارو من العربيات الفوق ممتازه بس ملهاش سوق في مصر مع انها احسن عربيه تنفع في البلد هنا xv

راى الاستاذ وليد محمد واحمد رضا:

فى الحورا تم مقارنه سوبارو XV F  هيونداى توسان وكيا سبورتاج وتم التاكيد على قوة الهيكل الخارجى للسيارة واعجباهم ب خدمه ما بعد البيع للسياره من قبل التوكيل 

رأى الاستاذ هيثم وعبد الحميد :

كان الراى فى هذا الحوار ان السياره قليله الاعصاطال ومن الصعب ان تتم سرقتها لكن قطع غيار سوبارو XV قد تكون مرتفعه فى اسعارها

راى الاستاذه ايمان محرم:

السياره بدات فى الانتشار فى السوق المصرى وهذا يسعد الكثير لان السياره لم تاخد حقها فى مصر  وان سوبارو XV هى الافضل في فئاتها من حيث القوة والسرعه ووبالنسبه ايضا للفئة السعريه.

واخيرا كان راى الاستاذه ساره خطاب :

قالت عندما يتم التفكير فى شراء سياره يخطر لعى بال المشترى اعاده بيعها وهذا من الخطا وتم مقارنه سوبارو ب التوسان والاسبورتاج وبما انه سوبارو XV سياره من فئه الدفع الرباعى 4X4 فهى تستحق الشراء بالفعل والتجربه الحقيقه .

تجربه قياده
النهارده هنتكلم عن سوبارو XV
وتعتبر من فئه Sub Compcat Crossover
والتي بتنافس كل من
نيسان جوك
سوزوكي فيتارا
متسوبيشي اكليبس كروس
تويوتا CHR
بيجو 2008
رينو كابتشر
رينو داستر
فيات 500X
سكودا ياتي
هيونداي كريتا
سانج يونجً تيفولي

نبدأ

بالابعاد
الطول : 4.580مم
العرض : 1.740مم
الارتفاع : 1.65مم
مساعة التخزين : 405لتر
المحرك

تأتي السيارة بمحرك كود Ej160

SUBARU BOXER 1600 سعة 1600 سي سي .قدرة حصانية 114 حصان نفس محرك السوبارو امبريزا . Cvt Xrionec وناقل حركه

شراء وامتلاك
الفئه الاولي 420000
الفئه التانيه 479000
الفئه التالته 500000

. هذا السعر التنافسي لسيارة سوبارو اكس في يجعل منها محط انظار كل عشاق السيارات الكروس اوفر توفر السيارة إمكانيات عديده مع ارتفاع جيد خصوصاً في الطرقات المصرية

أسعار بعض قطع الغيار الهامة

• فلتر هواء ( إمبريزا – XV): ١٤٠
فلتر تكييف ( إمبريزا – XV): ٢٥٠
فلتر زيت ( إمبريزا – XV): ٦٧،٧٦
إكصدام أمامي ( إمبريزا – XV): ١٥٠٠
إكصدام خلفي ( XV): ١٤٥٠
إكصدام خلفي ( إمبريزا): ١٦٧١
تيل أمامي ( إمبريزا – XV) : ٦٥٠
تيل خلفي ( امبريزا – XV) : ٤٥٠
فانوس أمامي ( إمبريزا – XV): ٢٢٠٠
فانوس خلفي ( XV):١٣٦٧
ريدياتير (إمبريزا – XV): ٢٠٠٠
مساعد أمامي (XV): ١٣٠٠
مساعد خلفي (XV): ٧٩٨
فلتر بنزين ( إمبريزا – XV): ٣٦
سير المجموعة (إمبريزا – XV): ٣١٥
بالاضافة الى 10% ضريبة مبيعات

الجودة والموثوقية

السيارة يابانية الصنع . تأتي بخامات جيدة بالنسبة للسيارات المنافسة لها في نفس الفئة . جودة يابانية معروفة منذ ان نشأت السيارة . سيارة ذات تاريخ عظيم في تاريخ صناعة السيارات العالمية اليابانية . لكن لسوء الحظ انها غير منتشرة في مصر بشكل كبير وهذا ما يجعل سعر إعادة البيع قليل وهذا من اقوى عيوب السيارة

الأمان

ABS و EBD و EBA و ESP اللي هو VDC في subaru ودة غير وسائد الهواء مقابل 6 لل impreza . وغيرها من وسائل الامان المتوافرة في السيارة وحصلت ايضاً على 4من5 في اختبارات EURO NCAP لهذا العام وافضل حماية للسائق وكرسي الاطفال

كماليات

الفئة الاولى Full option
جنوط 15بوصة-DIN Audio system مع اربع سماعات
الفئة الثانية HIGHLINE
جنوط المونيوم 16بوصة -DIN audio system مع ستة سماعات -bluetooth
زجاج ملون للأبواب الخلفية للخصوصية
لمبات اضائة خلفية
عجلة قيادة مغطاه بالجلد وايضاً ناقل الحركة مزودة ب2وسائد هوائية
السيارة بجميع فئاتها مزودة بكل الكماليات المعروفة من تكييف هواء -Aux-نظام مانع السرقة.

انطباعتي

الشكل الخارجي
بشوف ان تصميمها ذكي فهولا شكل انسيابي بحت فبيقلب تنفيخات و انحنائات.. و لا هيا مربعة و زوايا قائمة .. هيا بين البينين فيها نفحة هجومية محببة
..
* شغل الفيبر الاسود مخلي الشكل الخرجي للعربية كويس جدا .. و مخلي كل الوانها لايقة عليها جدا .. ” الروف ريلز و سبويلر السقف الكبير و باكيتة الاكصدام الخلفي ” من الحاجات اللي بتقلب شكل العربية راسا علي عقب و بتديها شكل رياضي ظرف جدا .
.
.
* زاوية الرؤية في الزجاج الامامي جيدة جدا سواء للأمام او الاجناب .
.
*ابعاد العربية الخلفية واضحة عند الركن ” انا بعتمد علي المرايات في الركن ” .. لما تكون بتركن بالليل و راجع للخلف النور الاصفر بيكون منور طرف الفوانيس الخلفية ” في الفوانيس الشفافة 2016 ” و بيوريك كويس جدا اخر نقطة في العربية ”
*الجنوط .. من مواطن الجمال في العربية سواء الموجود في العربية لحد 2015 او الموجود في 2016 ” و انا بفضل القديم ” .. خلي بالك من نظافته و متحاولش لما تركن تلزق في الرصيف للاخر عشان ميتجرحش . ..الكاوتش بالنسبة لي ادائه اقل من توقعي .. صوته عالي و تجارب الناس معاه في البلالين كتير ..

—————————————–
** الصالون 
——
* بالنسبة ل ” مساحة الصالون جيدة جدا في الامام و الخلف للارجل و الاكتاف و الرأس ..

* وضعية الجلوس ممتازة في العربية ” اقرب الي وضعية جلوس السيدان من الاس يو في ” و اريح من كل العربيات الاس يو في اللي ركبيتها و خاصة علي السفر الطويل او خلال القيادة المستمرة في الأماكن المزدحمة

* شكل الطابلوة بسيط ” و البعض يعتبره فقير ” .. خاماته كويسه .. و اتخيل ان اللي مخلي شكله مقبول هو الكاسيت .. و لو كان نازل عليها كاسيت عادي بدون شاشة كبيرة هيكون شكلها سئ …

* ينقصها غطاء لمساحات التخزين الي تحت الكاسيت و مكان حامل الاكواب ..

* مساحة الشنطة سيئة .. و كانت بالنسبة لي احد نقاط الضعف في السيارة عند الشراء كوني انسان بيعتمد علي الشنطة الي حد كبير .غضيت ااطرف عن الموضوع ده مقابل طي الكنبة الخلفية و اللي بيدي مساحة مضاعفة بتلاضافة لبعض المميزات الاخري الاساسية في العربية

* يفضل حضرتك تجيب كسوة للشنطة ” الدواسة المجسمة ” اذا كنت بتستخدم الشنطة باستمرار بسب خامه القطيفه الي في دواسه الشنطه
هتلاقيها في التوكيل اعتقد بــ 700 او اكتر شوية .. و في محلات الاكسسوار من 220 – 250 .
———————————-

الأداء 

* طلعة العربية تقيله بالمقارنه باقرب منافسيها قشقاي واكليبس وكادجار .. اعتقد اللي راكبين الماني ممكن يكون الموضوع متقارب … الدوسة التدريجية علي الدواسة بتجيب نتيجة كويسة جدا و بتلاقي العربية بتلقط سرعة بسرعة . العربية هتبتدي تحس انها ابتدت تبقي عفية معاك عند 50-60 و هتسحب كويس لحد 120-130 بعدها ممكن السحب يقل شوية

* لما تشغل التكييف الموضوع بيختلف كالتالي :
1 – العربية تقلها بيزيد و مش هتبتدي تلقط سرعة معاك غير لما تلاقي الار بي ام عند 2 الي 2.3 تقريبا و بعدين هتلاقيها بقت كويسة .

2- صوت تكة ” لقطة ” الكومبريسور عالي .. فيه ناس ممكن تقلق منه و تفتكره عيب او مشكلة ..لا ده العادي

3 – صوت الكومبيسور نفسه عالي و هو شغال .. و ده موضوع منرفزني شخصيا مشوفتوش في الكوري و متوقعتش اشوفه في الياباني .. الصوت بيعلي مع زيادة السرعة و ارتفاع الار بي ام .. و صوته الي حد ما مبيكونش سلس صوته بيكون عامل زي ما يكون صوت خشونة او زي ما يكون فيه بلية

4 – التبريد .. شخصيا شايف ان التبريد ممتاز حصوصا ان التكيف Dinso الممتاز

5 – استهلاك البنزين عالي مع التكييف .. مقيستوش بس بيبان من مؤشر البنزين و هو بيجري ناحية الشمال قصاد عيني .. اعتقد ممكن الاستهلاك يكون بيزيد بنسبة 20-25 %

الثبات ..

جبت بالعربية لحد180 للتجربة فقط .. سواقتي في الطبيعي علي الطرق المفتوحة 120 – 130 .. ناورت بيها و خدت بيها غرز علي 130 ..في جميع الاحوال النتيجة ممتازه وخصوصا مه نظام الدفع الرباعي المستمر الذكي
‏Symmetrical All Wheel Drive

* سحب العربية فوق الــ 120-130 ضعيف الي حد ما مع التكييف .. لحد 140 بتاخد شوية وقت .. و من بعد 140 الموضوع بيكون اصعب شوية عشان تجيب سرعة اعلي خصوصا لو الهوا مش معاك او الطريق طالع نازل و الاسوأ لو طالع بس . وزن العربية التقيل مع الفتيس ليهم دور كبير في الموضوع ده ..برضه اتخيل ان الامبريزا هتكون افضل في النقطة دي .

 الطارة و الباور 

الباور تقيل وبيان اكتر في السرعات دقه التوجيه ممتازه جدا وخصوصا مع السرعات العاليه وبديك شعور جيذ جدا بالطريق

* ارتفاع العربية

.. من اهم الحاجات اللي خليتني حابب العربية دي ارتفاع ممتاز جدا وقادره تتعامل بامتياز مع طرقنا المصريه اللذيذه

.
*فيه صوت شخلله بسيطة جدا بيتسمع من الكاوتش اللي قدام و انت بتدوس او بتسيب فرامل علي السرعة البسيطة جدا او عند بداية الحركة بالعربية .. مش كل الاذان ممكن تسمعه لكني بركز مع الحاجات دي كويس .. مش مأثر في أداء العربية في حاجة .. العربية دخلت التوكيل و طلعت 3 مرات و كل مرة يقولوا بسيطة محتاجة تشحيم بس .. و تدخل و تطلع زي ما هيا ..

الوكيل:

مش بيعمل دعايا كويسه للعربيه مع انها تعتبر صفقه جيده خدمات مابعد البيع كويسه بس مش ممتازه

الشكل الخارجي
9/10
الصالون
8.5/10
الأداء
7.5-8/10
الوكيل
6.5/10

شاهد ايضا :

سوبارو XV و امبريزا من السيارات الاكثر اماناً فى مصر