سير الدينامو اتقطع .. يحب ان تفعل ذلك فوراً

انقطاع سير الدينامو من اهم المشاكل التى تواجه ملاك السيارات، اولاً :وظيفه الدينامو الاسياسية هو عباره عن جهاز يقوم بتحويل الطاقة الحركية إلى طاقة كهربائية ، ويتم الاعتماد عليه في تشغيل بعض الأجهزة الموجودة داخل السيارة والتي تعتمد على الطاقة الكهربائية مثل مروحة التبريد وطلمبة المياه وأضواء السيارة، كما أنه يقوم بإعادة شحن البطارية لتكون جاهزة للاستخدام عند بدء تشغيل السيارة

مشكلة انقطاع سير الدينامو

من أسوأ الأعطال اللى ممكن نقابلها هي قطع سير الدينامو.
تعرف ازاي ان السير اتقطع؟

هتلاقي لمبة البطارية والهاند بريك ولمبة البنزين نوروا

تتصرف ازاي؟
أول حاجة تقفل كل الأحمال وأولهم التكييف والأنوار وتشغل الانتظار عشان الوراك والجاي في وشك يفهموا انك عندك مشكلة وتاخد اقصي اليمين وتمشي بالراحة(كل دة في 10ثواني بالكتير)

– تابع أمبير الحرارة
معلومات لجنابكطلمبة المياه تعطلت تماما والعربية هتسخن منك ودورة التبريد عندك لو سالكة ونظيفة هتفرق معاك أوي لأن المدة اللى هاتمشيها العربية لحد ماتسخن هتكون أطول

 

– حالة البطارية هتفرق معاك جدا لأنك خلاص ماشي علي الشحنة المتبقية فيها.
ايدك من علي الكونتاكت إوعي تبطل لأن هناك فرص للهروب من المأذق ولو بطلت العربية مش هتدور تاني وساعتها ضاعت كل الفرص

 

اقرا ايضا :  مخترع جهاز إنذار سير الكاتينة.. الابتكار يطفئ المحرك ويمنع تشغيله

– احسب حسبتك بسرعة لو لاقيت طريقك فاضي وقربت من الوصول(20دقيقة مثلا )امشي بالراحة ومعاك لحد أمبير الحرارة ما يرفع فوق النص بشرطة
قرب قد ما تقدر من الوجهة النهائية(قبل الأمبير مايرفع)
لو وجهتك بعيدة يبقي زيد من فرص الهروب من المأذق بإنك تنزل من علي كوبري اكتوبر مثلا وفرصة انك تلاقي صنايعية وتشتري سير هتكون أكبر بكتير

– لو علي طريق سفر بطل العربية فورا عشان تحافظ ع البطارية وانزل اضرب نفسك بالبراطيش لأنك معملتش تشيك علي عربيتك قبل السفر وكلم ونش فورا

 

وهذه بعض النصائح لتفادي مشكلة انقطاع سير الدينامو

 

1- فعند شرائك سيارة مستعملة فأول شئ يجب القيام به هو تغيير الفلاتر والزيوت وباقي الأجزاء المهمة , وأهمها هو سير الكاتينة سير الدينامو حتى تتجنب حدوث اى مشاكل قد تواجهك وانت على مسافات بعيده اثناء القيادة.

2- ولا تهمل القيام بالفحص الدوري ومراقبة السير بين الفترة والأخرى حتى تتجنب مشكل تلفها بشكل مفاجئ

فى النهاية 

لا تستهون بسماع صوت صفير عند بدء تشعيل المحرك واعطى للموضوع اهميه كبيرة حتى لا تتعرض لانقطاع السير وانت على طرق لا يوجد بها تجار قطع غيار او مراكز صيانه او اذا كنت على طريق سفر ولا تستهمون بالصوت وتقول (السير عاوز يتشد) الكشف الدورى مهم جدا على السيور بالاخص.

 

يجب ان تضع معك سير جديد فى السيارة لانك بهذا الامر تستغنى عن ان تصرف تكلفه عاليه بان تستدعى ونش انقاذ.