مشاكل وفنيات السياراتمعلومات تهمك

البارومه فى الصاج.. ازاى تحل مشكله البارومة !

حل مشكلة البارومه فى الصاج نهائياً – عندك بارومه فى عربيتك ومش عارف تعمل ايه 🤷🏻‍♂️

الأول محتاج تعرف هي ايه البارومة دى ؟هي عباره عن تآكل في الصاج أو المعدن عموما بسبب الصدأ ودى أسبابها كتير زى مثلا :

الغسيل الكتير للعربية او انك بتمشى كتير فى أماكن فيها تجمعات ميه زى الطين أو ميه مش نضيفة.

مبتنشفش العربية كويس وبتسيب عليها ميه… كل ده مع الوقت بيعمل البارومة.

حل مشكلة البارومه فى الصاج نهائياً
حل مشكلة البارومه فى الصاج نهائياً


طيب أعمل ايه علشان أشيلها بقى

عندك حلين :

1- هتروح لفني دهان وهو هيمعجن البارومة .. وبعد كده يصنفرها .. وبعد كده يرش ..بس الحل ده مش أحسن حاجة ومش هيفضل معاك فترة طويلة لأن المعجون هيقع بعد وقت بسيط وتلاقى كل حاجه رجعت زى ما كانت بس ده حل مؤقت لظروف خاصة لازم تنجز فيها ومفيش وقت .

..

2- ده الحل الصح بقى إنك تروح عند سمكري وهو هيلحم حتة صاج جديدة مكان البارومة .. وبعد كده تاخدها عند فني الدهان وهو هيصنفر اللحام بالصاروخ .. وبعد كده هيمعجن .. وبعد كده هيصنفر المعجون وينعمه .. وبعد كده يرش ..

وبالحل ده إنسى إن عربيتك كان فيها بارومة أصلا

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى