مشاكل وفنيات السيارات

“الموتور خفيف” امتى تعرف ان الموتور بتاع عربيك خفيف وازاى تحل المشكله

اعطال ومشاكل موتور السيارة

 

مشكلة الموتور الخفيف

من أول علاماته اللي بتظهر الدخنه البيضا .. طب كلمة إن الموتور خفيف معناها إيه ؟؟ وليه بيحصل ؟؟ طب وإيه العلاج ؟؟

 

معني الموتور الخفيف إن أجزاء الموتور الداخلية اللي بتحكم عملية عدم تسريب الزيت لـ غرفة الحريق أصبحت خلوصاتها واسعة وبتسرب الزيت لـ غرفة الحريق وتلاقي الزيت بيتحرق مع البنزين والهوا !!

 

وده طبعاّ بيؤدي بما لا يدع مجال للشك إن الموتور يحصل فيه خلل .. وطبعاّ تسريب الزيت لـ غرفة الحريق بيخلي بخار الزيت يهرب لـ خرطوم الفايظ اللي بيبقي بين كارتيرة الزيت وغرفة البنزين ..

 

 

وده ممكن نكشف عليه بالنظر وهو إننا بندور العربية وبنشوف الخرطوم ده لو بيخرج منه بخار خفيف جداّ جداّ فـ ده مفيش فيه مشكلة إطلاقاّ وده العادي أصلاّ ..

أما إنك تبص عليه تلاقي الخطروم شغال ماشاء الله بيخرج في دخنه بيضا يبقي ده معناه إن شنبر الضغط خفيف ..

 

 

علي فكرة إحنا في أي موتور عندنا 3 شنابر ضغط .. واحد فوق خالص علي البستم بيحكم علي عملية الحريق نفسها والتاني في نص البستم بيحكم الضغط جوة غرفة الحريق إنه ميهربش والتالت بيبقي تحت خالص وده بيمنع دخول الزيت لغرفة الحريق فوق ..

 

 

طيب الموتور الخفيف علاماته إيه ؟

 

1- بوجيهات عليها زيت بطريقة ملحوظة ودي من أشهر علامات الموتور الخفيف وتلاقي مع الوقت العربية الصبح مش بتدور لأن الزيت علي سن البوجيه مانع الشرارة إنها تخرج.

 

2- دخنه بيضا مع الكبس علي النقلات .. نقول كمان دخنه بيضا زي الصورة كدة بظبط .. دخنه بيضااااا كتير وتخنق كدة وده لأن الزيت عند حضرتك بيتحرق بقي فـ بيتبخر ويخرج لونه أبيض حلو كدة.

 

3- لو خرجت مقاس الزيت هتلاقي الزيت ناقص وده ليه ؟؟ ما هو بيتحرق زيه زي البنزين بقي أنت نسيت.

 

 

4- الموتور هتلاقيه علي المطالع ومع الحمل بيسقف جامد أوي بشكل ملحوظ ومش قادر يشد العربية .. أه ما هو طبيعي .. غرفة الحريق دلوقتي بقي جواها بنزين وهوا وزيت .. طب الموتور هيخرج كفاءته القصوي إزاااااي !!

 

اعطال ومشاكل موتور السيارة
اعطال ومشاكل موتور السيارة

 

طيب والحل .. نعمل إيه !!!

 

بص أنت قدام منك حلين أو بظبط 3 حلول :-

1- هنعمل مسكن وهنتفق مع بعض علي حاجة حلوة .. موتورك خفيف ومحتاج طقم شنبر وخلاص ده بقي أمر واقع والزيت بينقص والبوجيهات خلاص بتستغيث فت الحل المسكن هو إننا نشتري علبة زيت شنبر 443 مل أسمه ABRO Oil Treatment .. الزيت ده كثافته تقيلة جداّ جداّ لزوجته عالية أوي .

 

 

طب بيعمل إيه الزيت ده ؟؟

بيقلل الإحتكاك وبيقلل دخول الزيت لـ غرفة الحريق وبالتالي تقليل نسبة خروج الدخان الأبيض .. خد بالك الزيت بقي الزيت ده أنت بتحطه مع كل تغييرة زيت جديدة فـ لو عربيتك وليكن بتاخد 3 لتر زيت يبقي تنقص شوية وتخليه وليكن 2 لتر ونص والباقي زيت شنبر .. مجرد ما هتجرب الزيت ده هتحس بفرق ملحوظ

2- نعمل عمرة للموتور وهي تشمل خراطة الشمايز وتغيير الشنابر.

3- تغيير الموتور باّخر إستيراد.

 

اقرا ايضا :

– عند شراء المستعمل فى مصر بالتحديد .. اهم 16 نصيحه يجب ان تضعهم امامك اولا

– اخطر مشكله تخص جيلى إميجراند 7 Emgrand .. تعرف عليها

– غبور أوتو تعلن عن خصم على أسعار “شيري تيجو 4” 21 الف و “أريزو 5” 27 الف جنية

 

تابع اهم اخبار السيارات فى مصر من هنا

 

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق