عربيتك بتسخن.. اعرف اسباب سخونه الموتور والحل
قد تتعرض لارتفاع مفاجئ في حرارة الموتور،نعرض لكم اهم اسباب سخونه الموتور وحل ارتفاع حراره السياره وازاي تتصرف عند ارتفاع حراره السياره
اسباب سخونه الموتور وارتفاع حراره السياره
1- ثرموستات الكوعه بتعلق وتقفل وترموستات المروحه بتعلق ومتخليش المروحه تشتغل ديما وبالتالي الموتور بيسخن.
2- زيت لزوجته اقل من المطلوب للموتور وكده يخلي الموتور يسخن.
3-التاكيهات مش مظبوطه.
4- حساس الشكمان عايز يتغير.
5-ايضا من اهم اسباب سخونه الموتور وارتفاع حراره السياره أن يكون الردياتير مسدود نتيجه املاح وخلافه وبيكون عايز يتسلك ويتنظف وده بيخلي الموتور يسخن.
6- دوره المياه يكون فيها هواء وده بيخلي الموتور يسخن برضو.
7- الزيت يكون ناقص او محتاج يتغير.
8- الشمايز ممكن تكون مشروخه.
9- غطاء الردياتير هو كمان ليه عمر افتراضي وبيحتاج يتغير لانه جواه صمام كاوتش ممكن يسبب ارتفاع الضغط وده برضو يخلي الموتور يسخن.
10- المياه بتاعت الحنفيه وخلافه بيكون فيها املاح عاليه وده بيسبب تاكل الكيعان وطلمبه المياه وممكن يعمل تسريب في دوره التربيد وده يخلي درجه الحراره تزيد برضو.
11- يكون في زيت علي المكنه من بره وده بيزود درجه حراره الموتور لذلك لو حصل تسريب من اي مكان او زيت نزل علي الموتور لازم تغسله بفوم ومتسبش الزيوت علي المكنه.
اقرا ايضا .. ازاي تغير دورة تبريد الموتور بنفسك بالفيديو اضغط هنا
ازاي تتصرف لو الموتور سخن فجاه:
– عند ارتفاع درجة الحرارة بشكل مفاجىء قم بإغلاق المكيف حتى يقل جزء من الجهود على المحرك.
– فإذا ارتفعت درجة الحرارة وماء الرادتير تخرج منه أبخرة وكأنه يغلى فلا بد من تزويد السيارة بالمياة.
– إذا لم يكن هناك آي مشكلة فى نقص ماء الرديتر قد يكون السبب فى شكمان السيارة لذا يجب فحصه ربما أن يكون مكسوراً.
– أثناء سخونة السيارة قم بفتح غطاء الرديتر ببطئ وافحص الماء بداخله فإن كانت ثابتة لا تتحرك فمعناه وجود مشكلة فى طرمبة الماء.
لو استفدت اعمل شير خلي غيرك يستفيد من المعلومة.
المصدر… عربيتي
