ازاي تكشف عن موتور وعفشه العربيه وانت بتشتريها بنفسك .. شرح مفصل لاجزاء العربيه.. ونصائح هامة

كلنا واحنا بنشترى عربيه جديدة بنحب نطمن ان العربيه مفيهاش عيوب وخاليه من كل المشاكل علشان زى ما بنقول”مش عايز اجيب عربيه اصرف عليها” فى المقال دة هنقلك ازاى تكشف على موتور عربيتك وتطمن بنفسك على العربيه

ازاي تكشف عن موتور وعفشه العربيه هتقلي منا هجيب فني ماشي ياسيدي بس ممكن الفني يبيعك ويلبسك العربيه يبقي لازم تتأكد بتفسك علشان تبقي مرتاح نفسيا ومحدش يضحك عليك

طب ازاي اكشف بقي علي الموتور والفتيس والعفشه

نبدأ بالموتور
هتدور العربيه بدون ما تدوس بنزين
واسمع صوت الموتور

طبيعى ولا فيه برجله ؟
ناعم ولا خشن ؟؟

شغل التكييف وشوف تأثيره على انتظام الموتور
خلى حد يدوس بنزين وانت بص على عادم السياره
عادى ولا ليه لون حط ايدك على ديل الشكمان واكتمه وشوف الشكمان منفث ولا سليم
شم ريحة ايدك ريحتها بنزين نى اتعكت هباب مزيت
لو اى مما سبق (( ابعد عن العربيه))

افتح الكبوت وخليك  قدام الموتور

وزود بنزين بص على الموتور كويس جدا وشوف فى آثار تسييل زيت على اى جزء منه
لو ليه كفر فكه وبص تحته هما مسمارين 10 بس وبص على بطن العربيه وشوف فى اى رشح زيت من تحت متخدش موتور راشح زيت

افتح مية الريداتير والعربيه بارده وشوف الميه خضراء ورايقهولا مصديه ولا على وشها زيت لو على وشها زيت (( ابعد عنها ))

طلع مقاس الزيت وبص على حالة الزيت خفيف او محروق لو عليه ميه (( ابعد عنها ))

اسمع كويس فى اصوات خربطه من فوق اى تحت ؟؟

ازاي تكشف عن موتور وعفشه العربيه

نيجي بقي للفتيس

المانيوال

اقعد فى العربيه والعربيه دايره سلانسيبه ودوس دبرياج للآخر
واسمع كويس صوت الموتور اختلف فى صوت شخلله مع او بدون دبرياج
لو فى اصوات (( ابعد عنها ))

يبقى بلية الدبرياج او بلية الدرك بايظين

دوس دبرياج وادى العربيه كل الغيارات وهى واقفه وشوف فى عضه فى الغيارات ولا لأ
شد الهاند
وادى العربيه الغيار الرابع وزود بنزين وحاول تطلع بيها لو طفيت تبقى مجموعة الدبرياج سليمه لو فضلت دايره يبقى الدبرياج مفوت

الأوتوماتيك
اركب العربيه وسوق على كل الغيرات وشوف النقل بيجى ناعم ولا فى نتشه لو فيها نتشه (( ابعد عنها ))

جرب تدوس كيك داون  ( تسارع مفاجئ تدوس الدواسه للآخر فجئه وشوف استجابة الفتيس والموتور وصوتهم )

ازاي تكشف عن موتور وعفشه العربيه

هنتكلم عن العفشه وازاى تعرف انها مش مظبوطة فى العربيه:

اطلع بقى جرب العربيه عشان تقيم حالة العفشه اكسر يمين للآخر واطلع بالعربيه بسرعه سنه وكذلك الشمال لو فيها طقطقه تبقى فيها ( كبالن بايظه )

امشى بالعربيه بدون ما تشغل الكاسيت وانزل فى المطبات بسرعه شويه مره بالجنب اليمين ومره بالجنب الشمال

وشوف فى اصوات خربطه ولا لأ؟ وانت واقف ثابت امسك الطاره
وهزها سنه يمين وسنه شمال واسمع كويس فيها طقه ولا لأ ( دى اسكاتره )

انزل قدام الأربع عجلات وامسك الفرده من اطرافها كويس وهزها يمين وشمال فوق وتح
واسمع فيها طقه ولا لأ – فيها بوش ولا لأ
ده ( كشف البلى والمقصات )

اقرا ايضا:

اكتشف بنفسك .. غش تجار السيارات بتحويل سيارات الحوادث لبيعها على انها مستعمله وبحاله جيدة ؟

وانت بتشترى عربيتك الجديدة.. تعلم كيف تتفاوض مع الوكيل او التاجر ومتى تشترى بالفعل السيارة !!