ارخص 5 سيارات مستعملة بأسعار تبدأ من 16 ألف جنيه.. واهم النصايح قبل الشراء
نعرض لكم ارخص 5 سيارات مستعملة – يبحث قطاع من زبائن سوق السيارات المستعملة عن الموديلات الأقل سعرًا، والتي تتناسب مع أوضاعهم الاقتصادية، ذلك دون النظر إلى سنة صنع السيارة أو ما توفره من وسائل راحة وأمان.
وتبقى دائمًا بعض الاختيارات التي تكون في متناول المشترين حتى ولو لم تحقق كل رغباتهم ومتطلباتهم التي أرادوا أن يجدونها في سيارة المستقبل.
ارخص 5 سيارات مستعملة
ويرصد التقرير التالي أبرز 5 سيارات مستعملة، مطروحة بأسواق البيع والشراء الإلكترونية، والتي لا يتخطى سعرها 75.000 جنيه.
ويمكنك من خلال الصفحات التالية التعرف على أسعار و مواصفات السيارات التي لا تتجاوز 75 ألف جنيه:
1- تتوفر رينو كليو هاتشباك الصغيرة موديل 1994 في أسواق بيع المستعلم بأسعار تبدأ من 34 ألف جنيه وتصل إلى 45 ألف جنيه.
2- تويوتا كورولا طراز 1991 ضمن الفئة السعرية التي تتراوح بين 60 ألف جنيه إلى 75 ألف جنيه، ويحدد سعر السيارة الحالة الفنية والكماليات.
3- تعتبر هيونداي إكسيل بموديلاتها المختلفة من ارخص 5 سيارات مستعملة فى مصر ارخصهم 45 الف جنيةويبلغ متوسط أسعار موديل 1997 المزود بناقل حركة أوتوماتيك، من 55 إلى 75 ألف جنيه، وذلك وفقًا لحالتها الفنية والكماليات المزودة بها.
4- سيارة فيات 128 موديل 1979 متوفرة في سوق المستعمل بمتوسط أسعار يتراوح بين 16 و22 ألف جنيه.ويحدد السعر النهائي للشراء الحالة العامة للسيارة والكماليات المزودة بها من قبل المالك السابق.
5- بيجو 504 تعتبر فعليا من افضل السيارات الاعتمادية لاتى طُرحت للسوق المصرى وتباع بيجو 504 مستعملة بمتوسط سعر من 30 الف الى 55 الف جنيه وهكذا تعتبر بحاله جيدة لا تحتاج لاى مصاريف
اقرا ايضا : عربيتك بتسخن.. اعرف اسباب سخونه الموتور والحل
نصايح قبل ما تشترى عربيه مستعملة .. لازم تاخد بالك من الحاجات دى
1 – بلاش تشترى عربية راشة دواخل زى حوض الموتور و داير الباب والشنطة؛ لأن العربية بتبقى عاملة حادثة محترمة والميكانيكي قعد يستعدلها و يعملها زراجين واترشت عشان تداري اللحامات وبتبقى واخدة معجون.
2 – أفتح الكبوت بص على فردة الشاسية وشوف فى لحامات من أى نوع وشوف فى فرق بين الفوانيس و الكبوت والإكصدام ولا لأ، وشوف الفوانيس اللى ورا بايتة صح فى مكانها و مطبعة مع الشنطة ولا فى حاجة خالفة.
3 – شوف لو فى عجل مرحل من مكانه ولا تمام.
4- اقف قدام العربية من النص وبص على السقف شوفة معووج أو مميل يمين أو شمال ولا مستوي وارجع ورا العربية فى نصها بظبط و بص على السقف برضوا عشان كان ممكن تكون عاملة حادثة والعربية اتفتلت واتظبطت.
5- دور الموتور واسمع صوته.. المفروض يبقى هادى مش عالى و الـ RPM عدد لفاتة قليلة وبص على الموتور لو لاقيت عليه زيت أعرف إن الموتور بينفخ وداخل على طقم شمبر.
6- بص على الضفيرة.. لازم تلاقى السلوك كلها فى أنابيب مطاطية و متغلفة.. وافتح الحوض وشوف فى أى سلوك هربانة من مكانها ولا الدنيا تمام وبص على علبة الفيوزات والسلوك اللى بتبقى جوا فى العربية تحت الدريسيكون شمال فوق الركبة، لو لقيت وصلات كتير ملخفنة.
7- العربية اللى راشة حزام نضافة مش أزمة بس يكون حزام نضافة فعلا، عاملة حادثة واتصلحت صح وصاحبها بيقولك مرشوشة نضافة لازم تكشف عليها.
